უკრაინის პრეზიდენტმა ვოლოდიმირ ზელენსკიმ განაცხადა, რომ რთული სიტუაციის მიუხედავად, დონეცკის და ხარკოვის მიმართულებებით კონტროლს ინარჩუნებენ. გასულ ღამით, თავდაცვის ძალების მთავარსარდალთან საუბრის შემდეგ, ზელენსკიმ უკრაინელებისადმი ვიდეომიმართვაში თქვა, რომ რუსეთი აქტიურად იყენებს მართვად საავიაციო ბომბებს, რაც ისევ და ისევ აჩვენებს, რომ უკრაინას სჭირდება საჰაერო თავდაცვის დამატებითი სისტემები და სამხედროების გადასვლა ახალ საბრძოლო თვითმფრინავებზე. 20 მაისს პრეზიდენტმა ზელენსკიმ სააგენტო Reuters-თან ინტერვიუში განაცხადა, რომ უკრაინის დასავლელი პარტნიორები გადაუდებელი სამხედრო დახმარების საკითხების გადაწყვეტას დიდ დროს ანდომებენ და თითოეული გადაწყვეტილება დაახლოებით ერთი წლით იგვიანებს. ზელენსკის თანახმად, რუსეთისთვის ცაში წინააღმდეგობის გასაწევად ამჟამად სჭირდებათ სულ მცირე 120-130 ავიაგამანადგურებელი და თუ პარტნიორები უკრაინას ახლავე ვერ უზრუნველყოფენ, შეუძლიათ სამიზნეები მეზობელი, ნატოს წევრი ქვეყნების ტერიტორიებიდან ჩამოაგდონ და ასე დაიცვან უკრაინის სამოქალაქო მოსახლეობა. როგორ ზელენსკიმ თქვა, ეს ნების საკითხია, მაგრამ ყველა ამბობს ერთი და იგივე სიტყვას, რომელიც ყველა ენაზე ერთნაირად ჟღერს(ესკალაცია). უკრაინის პრეზიდენტის განცხადებით, ყველას ეშინია ესკალაციის და ყველა შეეჩვია იმას, რომ უკრაინელები იხოცებიან. ასევე ნახეთ ზელენსკის თქმით, უკრაინას საჰაერო თავდაცვის საჭირო საშუალებების მხოლოდ მეოთხედი აქვს რუსეთის ჯარებმა 10 მაისიდან გაააქტიურეს შეტევა უკრაინის ხარკოვის ოლქზე და ჩრდილოეთ ნაწილში დაიკავეს ათზე მეტი დასახლებული პუნქტი. 17 მაისს პრეზიდენტმა ზელენსკიმ ჟურნალისტებს უთხრა, რომ რუსეთის საოკუპაციო ძალების წინსვლის ყველაზე ღრმა მონაკვეთი 10 კილომეტრია. იმავე დღეს, რუსეთის პრეზიდენტმა პუტინმა განაცხადა, რომ ხარკოვის ოლქში „სანიტარიულ ზონას“ ქმნიან და ამჟამად არ აქვთ ხარკოვის აღების გეგმა. ასევე ნახეთ ხოდორკოვსკის პროგნოზს წლის ბოლომდე ხარკოვის დაკარგვის შესახებ კიევში პანიკურს უწოდებენ ...