„ქართული ოცნების“ გუნდს არ ეშინია არავითარი არც ინფორმაციის გავრცელების და არც გამჭვირვალობის... ვისაც რა უნდა, ის გაასაჯაროოს. ჩვენ ვმუშაობთ გამჭვირვალედ, ჩვენ ვემსახურებით ქვეყანას და ხალხს“, - უთხრა ჟურნალისტებს პარლამენტში იურიდიულ საკითხთა კომიტეტის თავმჯდომარემ ანრი ოხანაშვილმა. მისი თანაპარტიელისთვის, ირაკლი ქადაგიშვილისთვის, რომელიც პარლამენტის საპროცედურო საკითხთა კომიტეტის თავმჯდომარეა, მსგავსი ინფორმაციის გავრცელება შანტაჟის ენით საუბარია. „შანტაჟის ენით საქართველოსთან საუბარი არის მიუღებელი. ეს არის შანტაჟის ენა... თურმე მათ აქვთ საიდუმლო ინფორმაცია, რომელსაც გამოიყენებენ შანტაჟისთვის და საქართველოს არ აქვს უფლება, რომ მათი დაფინანსებით მოქმედი ორგანიზაციები იყვნენ საზოგადოებისთვის გამჭვირვალე... თუ შენ რაღაცას ფლობ, სად იყავი აქამდე?!“ - განაცხადა მან. რადიო თავისუფლებამ წყაროზე დაყრდნობით მოამზადა მასალა, რომლის მიხედვითაც, შეერთებული შტატები ფლობს ინფორმაციას, რომელსაც „ქართული პოლიტიკური ელიტის წარმომადგენლების რეპუტაციის გაცამტვერება შეუძლია.“ ასევე ნახეთ „აშშ ფლობს ინფორმაციას, რომელსაც  ქართული პოლიტიკური ელიტის რეპუტაციის გაცამტვერება შეუძლია“ - წყარო ...