ასევე ნახეთ პოლონეთში დააკავეს რუსეთის დაკვეთით დივერსიებში ეჭვმიტანილი პირები „ევრონიუსის“ ცნობით, ამ ფონზე პოლონეთის მთავრობის მეთაურმა რუსეთი პოლონეთისა და ბელარუსის საზღვარზე ხელოვნური მიგრაციით გამოწვეული დაძაბულობის შექმნაშიც დაადანაშაულა. "დღეს მივიღეთ დადასტურება, რომ პოლონეთის აღმოსავლეთ საზღვარზე დაძაბულობა არ არის გამოწეული არ არის სხვადასხვა ქვეყნიდან გაქცეული ადამიანების სპონტანური გადაადგილებით. ეს მონაცემები ახლა სერიოზულ შეშფოთებას იწვევს. 90% - ზე მეტს, ვინც უკანონოდ კვეთს პოლონეთის საზღვარს, რუსული ვიზების მფლობელია“, - განაცხადა დოლანდ ტუსკმა. პოლონეთის პრემიერ-მინისტრმა განაცხადა ასევე, რომ შეიქმნება კომისია, რომელიც ბოლო 20 წლის განმავლობაში პოლონეთში რუსულ და ბელორუსულ გავლენას შეისწავლის. ამ კომისიის მიერ ჩატარებული სამუშაოს წინასწარი შედეგები ზაფხულში გახდება ცნობილი. მანამდე პოლონეთის ხელისუფლებამ განაცხადა, რომ აპირებს 10 მილიარდი ზლოტი (დაახლოებით 2,5 მილიარდი დოლარი) ჩადოს რუსეთთან და ბელარუსთან საზღვრების გასაძლიერებლად. ასევე ნახეთ პოლონეთი დაახლოებით 2,5 მილიარდ დოლარს ჩადებს რუსეთთან და ბელარუსთან საზღვრების გასაძლიერებლად პრემიერ-მინისტრმა დონალდ ტუსკის თქმით სამუშაოები პროექტ "ფარი-აღმოსავლეთის" ჩარჩოებში უკვე დაწყებულია. ტუსკმა აღნიშნა, რომ პოლონეთი, რომელიც ნატოსა და ევროკავშირის აღმოსავლეთ ფლანგზე მდებარეობს, პასუხისმგებელია არა მხოლოდ საკუთარ, არამედ მთელი ევროპის უსაფრთხოებაზე - განსაკუთრებით ახლა, როცა ევროპის კონტინენტის აღმოსავლეთში სრულმასშტაბიანი ომი მიმდინარეობს, ხოლო რუსეთი და ბელარუსი ევროპული სამყაროსთვის საფრთხედ აღიქმება. ...