რადიო თავისუფლებასთან საუბარში დიაროვი ამბობს, რომ გამოკითხვაზე მოწმის სტატუსით იყო, თუმცა "ისეთი უცნაური" შეკითხვები დაუსვეს, "თან ბრალდებასაც რომ შეიცავდა". მისივე თქმით, ჰკითხეს პარლამენტის შენობასთან გამართულ აქციებზეც და გმირთა მოედნის გადაკეტვაზეც. "ყველაზე დასამახსოვრებელი იყო კითხვებიდან, შენთვის ავტორიტეტულ პიროვნებასთან ერთად ხომ არ იყავი და რამე ხომ არ დაუვალებიაო? თუ დაუორგანიზებიაო? ვისზე უნდათ გასვლა, კაცმა არ იცის. იმასაც არ მეუბნებიან, ვის გულისხმობენ. თან შეფარვით მეკითხებიან, მაგალითად, გზას ხომ არ ბლოკავდიო? პარლამენტზეც იყო კითხვები და გმირთა მოედანზეც. როგორმე უნდათ, სადმე რაიმით გამოგიჭირონ", - ამბობს დიაროვი. კითხვაზე, კონკრეტულად რომელ საპროტესტო დღეს გულისხმობდნენ სამართალდამცავები, დიაროვი პასუხობს, რომ რამდენიმე დღე დაასახელეს: "ამ და ამ დღეს ამ და ამ დროს სად იყავიო? ვუთხარი, რომ არ მახსოვს, სად ვიყავი, ლოგიკურია. სამი დღე დამისახელეს, არ მახსოვს, ზუსტად რომელი. პირდაპირ პარლამენტის ბლოკირება არ უხსენებიათ, მაგრამ მიანიშნებდნენ კითხვებით - ჩიტაძის ქუჩაზე სად იდექიო? პოლიციის მოწოდებას ემორჩილებოდი თუ არაო? გმირთა მოედნის ბლოკირებაზე პირდაპირ მკითხა, შენ ხომ აორგანიზებდიო?" მისივე შეფასებით, ხელისუფლებას აქტიური ადამიანების დაშინება აქვს განზრახული: "როგორც ჩანს, მიზანი აქვთ, დააშინონ აქტიური ხალხი და ამიტომ ყველას იბარებენ. მეორე მიზანია, გვერდიდან მოვლით იქნებ ვინმეს რაღაც წამოაცდენინონ. ეს არის ჩვეულებრივი რუსული მეთოდი, ამას იყენებდნენ ბელორუსშიც, თავის დროზე იანუკოვიჩი იყენებდა უკრაინაში." ლაშა დიაროვს უწყება 17 მაისს ჩაბარდა. ოფიციალურ დოკუმენტში, რომელიც დიაროვმა აჩვენა რადიო თავისუფლებას, გამოკითხვაზე გამოძახების მიზეზად „საპროცესო მოქმედების ჩატარებაა” დასახელებული. ასევე ნახეთ „მიზანი დაშინებაა“ - ვის და რატომ იბარებენ კრიმინალურ პოლიციაში ასევე ნახეთ "ჩვეულებრივი სახელმწიფო ტერორია" - შსს აქციის მონაწილეებს იბარებს საქართველოს პარლამენტმა 14 მაისს მესამე მოსმენით მიიღო „აგენტების კანონი“, რომელიც საქართველოს პარტნიორი ქვეყნებიდან დაფინანსებულ არასამთავრობო და მედიაორგანიზაციებს „უცხოური გავლენის გამტარებად“ რეგისტრაციას დაავალდებულებს. კანონპროექტი ჯერ არ ამოქმედებულა, მას 18 მაისს პრეზიდენტმა ვეტო დაადო და განსახილველად პარლამენტს დაუბრუნა. მისი თქმით, ეს არის „რუსული კანონი“ და ეწინააღმდეგება როგორც ქვეყნის კონსტიტუციას, ისე ევროპულ სტანდარტს. ვეტოს დაძლევისთვის 76 დეპუტატის მხარდაჭერა საკმარისია, საპარლამენტო უმრავლესობას კი მეტი - 83 ხმა აქვს. სადავო კანონპროექტის ინიციირების შემდეგ, მის წინააღმდეგ თვეზე მეტია თბილის...