ლატვიის პრეზიდენტმა ედგარს რინკევიჩსმა მისალოცი ტექსტი სოციალურ ქსელ X-ში გამოაქვეყნა: „გულთბილი მილოცვები ქართველ ხალხს და საქართველოს პრეზიდენტს სალომე ზურაბიშვილს, რომლებიც დამოუკიდებლობის დღეს აღნიშნავენ. საქართველო როდესაც გზაჯვარედინზე დგას, მე ვადასტურებ ლატვიის მხარდაჭერას საქართველოს ევროპული მომავლისადმი, რომელიც ხალხმა აირჩია. გადაწყვეტილების დროა“. три საქართთველოს დამოუკიდებლობის დღე მიულოცა ლატვიის საგარეო სამინისტრომაც, რომლის განცხადებაში საუბარია ლატვიის მტკიცე მხარდაჭერაზე ევროპული გზისადმი, რომელიც საქართველოს მოსახლეობამ აირჩია. „ლატვია ულოცავს საქართველოს დამოუკიდებლობის დღეს და მშვიდობისა და კეთილდღეობის საუკეთესო სურვილებს გადასცემს. ლატვია ადასტურებს მტკიცე მხარდაჭერას ევროპული გზისადმი, რომელიც საქართველოს მოსახლეობამ აირჩია”, – ნათქვამია ლატვიის საგარეო საქმეთა სამინისტროს მიერ სოციალურ ქსელ X-ში გამოქვეყნებულ მილოცვაში. три 26 მაისი - საქართველოს დამოუკიდებლობის დღე და ეროვნული დღესასწაულია. 1918 წლის 26 მაისს საქართველოს ეროვნულმა საბჭომ მიიღო სახელმწიფოებრივი დამოუკიდებლობის აქტი, რომლის საფუძველზეც შეიქმნა ევროპული ტიპის ქართული სახელმწიფო. 1921 წლის თებერვალში საქართველოში წითელი არმია შემოიჭრა და ქვეყნის ანექსია მოახდინა. ...