ფინეთის პარლამენტი გაძევების შესახებ ახალ კანონპროექტს განიხილავს. ეს საშუალებას მისცემს ფინელ მესაზღვრეებს რუსეთში დააბრუნონ აღმოსავლეთ საზღვრიდან თავშესაფრის საძებნელად ფინეთში ჩასული რუსეთის მოქალაქეები. ფინეთი ახლა ვალდებულია მიიღოს ყველა მიგრანტი, რომელიც თავშესაფარს ითხოვს, სანამ მათი განაცხადები განიხილება. როგორც ფინეთის შინაგან საქმეთა მინისტრმა მარი რანტანენმა ტელერადიოკომპანია Yle-სთან ინტერვიუში განმარტა, კანონპროექტი, პირველ რიგში, რუსეთის საზღვრის გავლით შემოსულ მიგრანტებს შეეხება. ასევე აიკრძალება საზღვარზე თავშესაფრის მოთხოვნა. გამონაკლისი შეიძლება გაკეთდეს განსაკუთრებით მოწყვლადი ჯგუფების წარმომადგენლებისთვის - მაგალითად, ბავშვებისთვის ან შეზღუდული შესაძლებლობის მქონე პირებისთვის-და მათთვის, ვისაც დაბრუნების შემთხვევაში სიკვდილით დასჯა ან წამება დაემუქრება. უფრო მეტიც, ეს საფრთხე უნდა არსებობდეს არა მხოლოდ სამშობლოში, არამედ იმ ქვეყანაში, საიდანაც ლტოლვილი შემოდის ფინეთში, ანუ რუსეთში. მესაზღვრეები დევნილისთვის საფრთხის ხარისხს შეაფასებენ და მათთვის სპეციალური სწავლება ჩატარდება. თუ ფინეთის სასაზღვრო სამსახური არ გამოავლენს თავშესაფრის მოთხოვნის საკმარის საფუძველს, მიგრანტი დაბრუნდება რუსეთში, მაშინაც კი, თუ რუსეთი არ დათანხმდება მის მიღებას. რანტანენმა ზუსტად არ განმარტა, თუ როგორ განხორციელდებოდა ეს. კანონი ასევე საშუალებას მისცემს მესაზღვრეებს გამოიყენონ ძალა. ფინეთის ხელისუფლება იმედოვნებს, რომ ასეთ პირობებში ისინი შეძლებენ რუსეთთან საზღვრის ნაწილობრივ გახსნას, რომელიც 2023 წლის ნოემბრიდან მთლიანად დაიხურა. ასევე ნახეთ ფინეთში დაუშვეს რუსეთთან საზღვრის "ფრთხილი" გახსნა რუსეთ-ფინეთის ურთიერთობები მკვეთრად გამწვავდა უკრაინაში რუსეთის სრულმასშტაბიანი შეჭრის შემდეგ 2022 წლის თებერვალში. ფინეთმა უარი თქვა ნეიტრალიტეტის პოლიტიკაზე და ნატოს წევრი გახდა. მოსკოვში აცხადებენ, რომ ეს გადაწყვეტილება არ დარჩება უშედეგოდ. ამასთან, რუსეთი უარყოფს, რომ მიგრაციას ფინეთზე ზეწოლისთვის იყენებს. ჰელსინკი მოსკოვს ბრალს სდებს საზღვარზე თავშესაფრის მაძიებელთა უწყვეტი ნაკადის ორგანიზებაში. რუსეთი ამას უარყოფს. ასევე ნახეთ ფინეთი რუსეთთან საზღვარზე ნატოს ინიციირებულ "დრონების კედლის" პროექტს უერთდება 25 მაისს ცნობილი გახდა, რომ ფინეთი უერთდება ნატოს პროექტს, რომელიც რუსეთთან საზღვარზე თავდაცვითი "დრონების კედლის" შექმნას ითვალისწინებს. ამის შესახებ სახელმწიფო რადიოკომპანია Yle-ს ჟურნალისტებს ფინეთის შინაგან საქმეთა მინისტრმა, მარი რანტანენმა განუცხადა. პროექტში, რომელიც პროვოკაციებისა და კონტრაბანდის წინააღმდეგ ბრძოლას ისახავს მიზნად, რუსეთის მოსაზღვრე ნატოს წევრი ქვეყნები მიიღებენ მონაწილეობას. ფინეთის გარდა, ესენი ...