წუხელ ღამით ისრაელის არმიის მიერ ღაზის სექტორის ქალაქ რაფაჰზე განხორციელებული დარტყმის შედეგად დაიღუპა ოცდაათზე მეტი სამოქალაქო პირი და დაჯგუფება ჰამასის ორი მაღალი რანგის წევრი (ჰამასი აშშ-სა და ევროკავშირში ტერორისტულ ორგანიზაციად არის მიჩნეული). დარტყმის შედეგების შესახებ ორივე მხარე იტყობინება. ღაზის სექტორის ჯანდაცვის სამინისტრო, რომელსაც ჰამასი აკონტროლებს, იუწყება, რომ ისრაელის იერიშის შედეგად დაიღუპა 35 ადამიანი და ათობით დაიჭრა. მათი უმრავლესობა ქალები და ბავშვები არიან. პალესტინური სახელმწიფო სააგენტო WAFA აცხადებს, რომ დარტყმა განხორციელდა ლტოლვილთა ბანაკზე, რომელშიც მანამდე „დიდი რაოდენობით მოკლულები და დაჭრილები გადაიყვანეს“. სააგენტოს ცნობით, ღამის იერიშის შედეგად ორმოცი ადამიანი დაიღუპა. ისრაელის არმია იტყობინება, რომ ავიაციით განახორციელა დარტყმა ჰამასის კომპლექსზე, რომელშიც დაჯგუფების მაღალი რანგის წარმომადგენლები იმყოფებოდნენ. იერიშის შედეგად დაიღუპა ორი მათგანი: იასინ რაბია და ჰალედ ნაგარი. სამხედროები ამტკიცებენ, რომ ლეგიტიმურ სამიზნეებზე მიიტანეს იერიში წერტილოვანი საბრძოლო მასალით და ზუსტი სადაზვერვო მონაცემების საფუძველზე. ისრაელის არმის თანახმად, ის შეისწავლის ცნობებს, რომ დარტყმისა და გაჩენილი ხანძრის შედეგად „რამდენიმე სამოქალაქო პირი დაშავდა“. გუშინ, 26 მაისს, ჰამასმა მიმდინარე წლის იანვრიდან პირველად გაუშვა რაკეტები ისრაელის ცენტრალური ნაწილისკენ, მათ შორის თელ-ავივის მიმართულებით. რამდენიმე მათგანი ჩამოაგდეს, მსუბუქად დაიჭრა ორი ადამიანი. მედიის თანახმად, რაკეტები რაფაჰიდან ისროლეს. ასევე ნახეთ ისრაელი ღაზის სექტორიდან იანვრის შემდეგ პირველად დაიბომბა ისრაელი ღაზის სექტორში სამხედრო ოპერაციას ატარებს 2023 წლის 7 ოქტომბერს ისრაელზე ჰამასის თავდასხმის საპასუხოდ. ისრაელი ღაზის სექტორის სამხრეთში მდებარე რაფაჰს „დაჯგუფების უკანასკნელ დასაყრდენს“ უწოდებს. საერთაშორისო თანამეგობრობის ნაწილი ისრაელს ღაზაში მცხოვრები პალესტინელების განადგურებაში სდებს ბრალს. გაეროს საერთაშორისო სასამართლომ, რომელსაც ჰააგაში უდევს ბინა, 24 მაისს დაადგინა, რომ ისრაელმა დაუყოვნებლივ უნდა შეწყვიტოს ღაზის სექტორის ქალაქ რაფაჰზე იერიში. სასამართლო თავის გადაწყვეტილებას ასაბუთებს არასაკმარისი ზომებით, რომლებსაც მიმართავენ მშვიდობიანი მოსახლეობის დასაცავად. გარდა ამისა, სასამართლოს გადაწყვეტილებაში აღნიშნულია, რომ ისრაელმა უნდა უზრუნველყოს ღაზის სექტორში საჭირო ჰუმანიტარული დახმარების მიწოდება. ასევე ნახეთ ჰააგაში გაეროს სასამართლომ დაადგინა, რომ ისრაელმა დაუყოვნებლივ უნდა შეწყვიტოს რაფაჰზე იერიში ისრაელის სამხედროები აცხადებენ, რომ უტევენ მხოლოდ და მხოლოდ ჰამასის ინფრასტრუქტურას და ამტკიცებენ, რომ დაჯგუფება თავის ობიექტე...