აშშ-ის სახელმწიფო მდივანი ენტონი ბლინკენი ოთხშაბათს ვიზიტით ჩავიდა კიშინიოვში. ის შეხვდა მოლდოვის პრეზიდენტ მაია სანდუს, რომელიც წელს კიდევ ერთი ვადით იყრის კენჭს. შეხვედრის შემდეგ ბლინკენმა განაცხადა, რომ შეერთებული შტატები მხარს უჭერს სანდუს დემოკრატიულ პოლიტიკას. დიპლომატის თქმით, შეერთებული შტატები და მოლდოვა შეთანხმდნენ, გააფართოონ საელჩო პროგრამა და ახალი ზომები კორუფციასთან საბრძოლველად, ასევე ბრძოლისთვის რუსეთისა და პრორუსული ძალების გავლენასთან, რომელიც მიზნად ისახავს მოლდოველების დეზინფორმაციას და ქვეყანაში სიტუაციის დესტაბილიზაციას. აშშ ასევე დაეხმარება მოლდოვას კიბერუსაფრთხოებისა და პრესის თავისუფლების სფეროში. ასევე ნახეთ მოლდოვა პირველი ქვეყანაა, რომელმაც უსაფრთხოებისა და თავდაცვის პაქტი გააფორმა ევროკავშირთან დღევანდელ შეხვედრაზე მიღწეულ იქნა შეთანხმება მოლდოვისთვის 50 მილიონი დოლარის გამოყოფაზე სასამართლო რეფორმების მხარდასაჭერად და 85 მილიონი დოლარისა ენერგეტიკის სფეროში პრობლემების გადასაჭრელად, რათა რესპუბლიკამ სწრაფად დაძლიოს რუსეთზე ენერგეტიკული დამოკიდებულება. გარდა ამისა, ვაშინგტონი აპირებს, ხელი შეუწყოს მოლდოვის საქონლის ექსპორტის გაზრდას შეერთებულ შტატებსა და ევროკავშირის ქვეყნებში და არა რუსეთში (ამჟამად მოლდოვის მთელი პროდუქციის დაახლოებით 20%-ის ექსპორტი რუსეთში ხორციელდება) და მოლდოველი ახალგაზრდების ორიენტაციის შეცვლას ევროპაში სწავლისა და მუშაობისკენ. მაია სანდუმ აშშ-ის სახელმწიფო მდივანს საპასუხოდ მადლობა გადაუხადა მოლდოვის მხარდაჭერისთვის და ცალკე - ომში მყოფი უკრაინის მხარდაჭერისთვის. მან აღნიშნა, რომ უკრაინა იბრძვის არა მხოლოდ თავისთვის, არამედ ევროპის ყველა ქვეყნის თავისუფლებისა და უსაფრთხოებისთვის. ეს მოლდოვაში ბლინკენის მეორე ვიზიტია უკრაინაში რუსეთის ომის დაწყების შემდეგ. ბოლოს ის 2022 წლის მარტში იყო კიშინიოვში. მაშინ მოლდოვა გახდა ერთ-ერთი ქვეყანა, რომელმაც დიდი რაოდენობით უკრაინელი ლტოლვილი მიიღო. მას შემდეგ დაახლოებით მილიონმა უკრაინელმა გადაკვეთა მოლდოვის საზღვარი. ქვეყანაში 116 ათასი ლტოლვილი ცხოვრობს. ბლინკენმა გაიხსენა, რომ 2022 წლის თებერვლიდან შეერთებულმა შტატებმა მოლდოვას 774 მილიონი დოლარი გამოუყო როგორც ლტოლვილების მხარდასაჭერად, ასევე საკუთარი ინფრასტრუქტურის განვითარებისთვის. რადიო თავისუფლების მოლდოვური სამსახურის ცნობით, ვიზიტის დღეს ოპოზიციური პარტია „შორის“ მხარდამჭერებმა კიშინიოვში აშშ-ის საელჩოს წინ აქცია გამართეს და აეროპორტისკენ მიმავალი ქალაქის მთავარი მაგისტრალის, დაჩიის ბულვარის გადაკეტვა სცადეს. მათ განაცხადეს, რომ ეწინააღმდეგებიან „მოლდოვის ომში ჩაბმას“ და მოითხოვეს, რომ შეერთებული შტატები ნუ ერევა ქვეყნის პოლიტიკაში. კიშინიოვიდან აშშ-ის სახელმწიფო მდივანი მიემგზავრება პ...