მერიის განცხადებაში ვკითხულობთ, რომ "უხვი ნალექი განსაკუთრებით აღინიშნებოდა დიდუბის, ჩუღურეთის, მთაწმინდისა და საბურთალოს რაიონებში", ხოლო გლდანში, ლიბანის ქუჩაზე, გრიგალის შედეგად წაქცეულმა ხემ დააზიანა კომუნიკაციები. უწყება ირწმუნება, რომ აღდგენითი სამუშაოები თითქმის დასრულებულია. მერია ასევე ეხმაურება დატბორილი წერეთლის გამზირის ამსახველ ვიდეომასალას, რომელიც ინტერნეტში გავრცელდა. უწყება განმარტავს, რომ გამზირზე სანიაღვრე სისტემა გამართულად მუშაობს: "წყლის დიდი ნაკადის თავმოყრის გარდა, წერეთლის გამზირის კონკრეტული მონაკვეთების დატბორვა გამოწვეული იყო სანიაღვრეების ცხაურთან თავმოყრილი დასეტყვილი ფოთლებითა და ტოტებით, ასევე საყოფაცხოვრებო ნივთებით და შლამით. მას შედეგ, რაც შესაბამისმა სამსახურებმა გაწმინდეს ცხაურები, წყლის ნაკადი სანიაღვრე სისტემამ სრულად გაატარა". три გარემოს ეროვნული სააგენტოს ინფორმაციით, თბილისში დაფიქსირებული მეტეოროლოგიური მოვლენა განეკუთვნებოდა სახიფათო მეტეოროლოგიური მოვლენების კატეგორიას. ...