ლიეტუვის, ესტონეთისა და პოლონეთის დიპლომატიური უწყებების ხელმძღვანელებმა დაადასტურეს უკრაინის უფლება, დასავლური შეიარაღებით მიიტანოს იერიშები რუსეთის ფედერაციის ტერიტორიაზე მდებარე სამხედრო სამიზნეებზე. три "უკრაინას აქვს უფლება, დაიცვას საკუთარი თავი და, თუ ამის საჭიროება იქნება... აქვს უფლება, განახორციელეს დარტყმები რუსეთის ტერიტორიაზე. საბედნიეროდ, უფრო და უფრო მეტი ქვეყანა ხვდება ამას. უკრაინას უნდა მივცეთ თავის დაცვის თავისუფლება", - განაცხადა ესტონეთის საგარეო საქმეთა მინისტრმა მარგუს ცაჰკნამ, რომელიც 31 მაისს პრაღაში ნატოს საგარეო საქმეთა მინისტრების არაფორმალურ სამიტში მონაწილეობს. ნიშანდობლივია, რომ პრაღაში ეს შეხვედრა ტარდება ჩერნინის ისტორიულ სასახლეში, რომლის თავზეც ჩეხეთის, უკრაინისა და ნატოს დროშები ფრიალებს. ასევე ნახეთ „არა ომს და ტანკებს“- პრაღაში ნატოს მინისტერიალი საპროტესტო აქციის ფონზე იწყება ლატვიის საგარეო საქმეთა მინისტრმა გაბრიელიუს ლანდსბერგისმა ასევე დაუჭირა მხარი უკრაინის მიერ რუსეთის ტერიტორიაზე სარაკეტო დარტყმების განხორციელებას. პოლონეთის საგარეო საქმეთა მინისტრმა რადოსლავ შიკორსკიმ კი აღნიშნა, რომ პოლონეთი ყოველთვის ემხრობოდა და უკრაინის მიერ რუსეთის ტერიტორიაზე იერიშების განხორციელებაზე არასოდეს შემოუღია რაიმე შეზღუდვა. "საერთაშორისო ჰუმანიტარული სამართლის თანახმად, უკრაინას აქვს თავდაცვის ყველანაირი უფლება", - განაცხადა რადოსლავ შიკორსკიმ. ანალოგიური მესიჯით ჩავიდა პრაღის მინისტერიალზე ალიანსის გენერალური მდივანი იენს სტოლტენბერგი. ასევე ნახეთ სტოლტენბერგი: დადგა დრო, გადაისინჯოს იარაღის გამოყენებაზე დაწესებული შეზღუდვები 30 მაისს დასავლურმა მედიამ გაავრცელა ცნობა, რომ აშშ-ის პრეზიდენტმა ჯო ბაიდენმა უკრაინას უფლება მისცა, ამერიკული იარაღი გამოიყენოს დარტყმებისთვის რუსეთის ტერიტორიაზე, ქალაქ ხარკოვის დასაცავად. ასევე ნახეთ მედია: ბაიდენმა უკრაინას ნაწილობრივ მოუხსნა აკრძალვა აშშ-ის იარაღის რუსეთის ტერიტორიაზე გამოყენებაზე ამ გადაწყვეტილებამდე, უკრაინამ თხოვნით მიმართა აშშ-ს, მიეცა უფლება უკრაინის სამხედრო ძალებისთვის, დაიცვან უკრაინის ქალაქები რუსეთის ტერიტორიიდან წარმოებული თავდასხმებისგან. ნატოს რამდენიმე ქვეყანა, მათ შორის გერმანია, არ ემხრობა უკრაინისთვის გადაცემული გერმანული მოდელის შორი მოქმედების სარაკეტო დანადგარებიდან რუსეთის ტერიტორიაზე იერიშების განხორციელებას. ასევე ნახეთ ოლაფ შოლცი არ ემხრობა გერმანული იარაღის გამოყენებას რუსეთში არსებული სამიზნეების წინააღმდეგ ...