პოეტებმა, მწერლებმა, მთარგმნელებმა და გამომცემლებმა 1 ივნისს თბილისის წიგნის 26-ე საერთაშორისო ფესტივალზე გააპროტესტეს „აგენტების კანონის“ მიღება. „კი ევროპას! არა რუსულ რეჟიმს! ჩვენ არ ვემორჩილებით რუსულ კანონებს. ეს ქვეყანა არ იქნება მორჩილებაში არცერთი დიქტატურის მიმართ“, - საზოგადოებამ მწერალ ტორესა მოსის სიტყვები მოისმინა. მწერლებს ეკავათ ტრანსპარანტი, რომელზეც ეწერა სიტყვები 1921 წელს საბჭოთა რუსეთის საოკუპაციო ძალების მიერ მოკლული მარო მაყაშვილის დღიურიდან: „გავიმარჯვებთ სახელოვნად“. გამომცემელმა გვანცა ჯობავამ, რომელიც დღევანდელი პროტესტის მონაწილეა, რადიო თავისუფლებას უთხრა, რომ ღონისძიებაზე მყოფმა ადამიანებმა მათი სათქმელი სათანადოდ მიიღეს. три „გვსურდა, ჩვენ გვეთქვა ჩვენი სათქმელი, ძალიან ღიად, მკვეთრად, იმიტომ, რომ ქართველი მწერლები და გამომცემლები ყოველთვის დგანან თავიანთი ქვეყნის სადარაჯოზე. არც ეს არის გამონაკლისი შემთხვევა, პირიქით, კიდევ უფრო მეტად ვგრძნობთ ამ პასუხისმგბლობას, რომ ძალიან ღიად ვუთხრათ საზოგადოებას: იმედგაცრუებულები ვართ ამ „რუსული კანონის“ მიღებით. ეს არ ნიშნავს იმას, რომ უნდა დავნებდეთ და გავჩერდეთ. არა მხოლოდ - „არა რუსულ კანონს!“, არამედ არ დავემორჩილებით მას. ძალიან მნიშვნელოვანია, საზოგადოებამ იცოდეს, რომ ჩვენი ბრძოლა გრძელდება. წინ გვაქვს არჩევნები და ჩვენს აქტიურობაზე ბევრი რამ იქნება დამოკიდებული. თითოეულ ჩვენგანის პასუხისმგებლობა არის ჩვენი ევროპული მომავალი. დღეს სათანადოდ მიიღო საზოგადოებამ ჩვენი სათქმელი“, - გვითხრა გვანცა ჯობავამ. „წიგნით ევროპისკენ“ - ასეთია წელს ფოკუსი თბილისის წიგნის საერთაშორისო ფესტივალზე, რომელიც 30 მაისს დაიწყო და 2 ივნისის ჩათვლით გაგრძელდება. ასევე ნახეთ ახალი გამოცემები, „აგენტების კანონი“ და თბილისის წიგნის 26-ე ფესტივალი ...