"მესმის პოლიტიკური პარტიების წუხილი ზოგჯერ, მაგრამ ეს ვერ იქნება ცალკეული პოლიტიკური პარტიების გამარჯვების არჩევნები", - აღნიშნა სალომე ზურაბიშვილმა შეხვედრის შემდეგ რეზიდენციაში გამართულ ბრიფინგზე და თქვა ისიც, რომ ესაა ევროპული გზის გადარჩენის არჩევანი. "უკვე ძალიან ნათლად გამოჩნდა, ან-ან-ის საკითხი დადგა ჩვენ წინაშე - ან ვაგრძელებთ, აღვადგენთ იმ ევროპულ გზას, რომელზედაც ვიდექით ისე თუ ასე, ხან ჩქარა, ხან ნელა, ან ვერ დავაბრუნებთ და მივდივართ სულ სხვა მიმართულებით - კოლაბორაციონიზმი თუ რაც გინდათ ის დაარქვით, ესაა სხვა მიმართულება, რომელიც გვაახლოვებს ოკუპანტ ქვეყანასთან, რომელიც ძალიან აფასებს მმართველი გუნდის ყველა ნაბიჯს. მე მგონი, ნათელი არჩევანი დგას, ესაა ევროპული გზის გადარჩენის არჩევანი. მესმის პოლიტიკური პარტიების წუხილი ზოგჯერ, მაგრამ ეს ვერ იქნება ცალკეული პოლიტიკური პარტიების გამარჯვების არჩევნები. ეს არ ნიშნავს, რომ ერთიანობა აუცილებელია, ეს თქვენი საქმეა, რა ფორმატში მიიღებთ არჩევნებში მონაწილეობას. ეს თქვენი და თქვენი ამომრჩევლის საქმეა. მე გთავაზობთ ერთობის ფორმულას, რაც არის ამ პროცესში, ამ დოკუმენტის ირგვლივ, ამ ვალდებულებების ირგვლივ და მე ვიქნები ძალიან მკაცრი ამ ვალდებულებების შესრულების მიმართ. ამ როლში, მე ვთვლი, რომ პასუხისმგებელი ვარ იმ ხალხის წინაშე, რომელთაგან ვიღებ გარკვეულ ნდობას იმიტომ, რომ ამ დოკუმენტში ხედავენ გამოსავალს, შვებას და გზას", - განაცხადა სალომე ზურაბიშვილმა. პრეზიდენტმა აღნიშნა, რომ საჭიროა ამომრჩევლების დიდი მობილიზაცია. ამ მხრივ ისაუბრა დიასპორის კენჭისყრაში მონაწილეობის მნიშვნელობაზე. ასევე თქვა, რომ "გადამწყვეტი" როლი აქვს ახალგაზრდების აქტიურობას არჩევნებამდე. მანვე დააანონსა, რომ გეგმავს 11 ივნისს შეხვდეს მათ და კითხვებს უპასუხოს: "მათთან კონსულტაციები არ ყოფილა. ისინი სულ სხვა რამით იყვნენ დაკავებული და მათი როლი, საზღვარგარეთ გასულიყო პროტესტი, უმნიშვნელოვანესი, ბოლომდე დაუფასებელი იყო. ესაა ის, რაც მიგვიყვანს არჩევნებამდე." პრეზიდენტის ინიციატივას, „ქართულ ქარტიას“, 17 პოლიტიკური პარტია და ხუთი დამოუკიდებელი დეპუტატი აწერენ ხელს. ცნობილია, რომ „ქართულ ქარტიას“ არ უერთდებიან "საქართველოსთვის“, „გირჩი“ და „ლეიბორისტული პარტია“. ასევე ნახეთ ოპოზიციური პარტიების დიდმა ნაწილმა ხელი მოაწერა „ქართულ ქარტიას“ საქართველოს პარლამენტმა 28 მაისს, ხალხმრავალი პროტესტისა და პარტნიორების კრიტიკის მიუხედავად, დაძლია პრეზიდენტის ვეტო „აგენტების კანონზე“. მანამდე ორი დღით ადრე, 26 მაისს, საქართველოს დამოუკიდებლობის დღეს, პრეზიდენტმა წარმოადგინა „ქართული ქარტია“, რომელიც ოპოზიციის „სხვანაირ ერთობას“ გულისხმობს. სალომე ზურაბიშვილის განმარტებით, „ქართულ ქარტ...