"დამიბარეს ცენტრალურ კრიმინალურ პოლიციაში გამოკითხვაზე ნინო წილოსანის ადევნების ფაქტზე. ვნახოთ, რა იქნება, არა რუსულ რეჟიმს", - წერს მოქალაქე ფეისბუქზე და იქვე აღნიშნავს, რომ უარი განაცხადა პოლიციაში მისვლაზე და მოითხოვა მაგისტრი მოსამართლის წინაშე გამოკითხვა: "სიმართლე და მტკიცებულებები ჩემს მხარეს არის ამიტომ თუ ვინმეს უნდა ეშინოდეს ეს რეჟიმია რომელსაც საკუთარი მოქალაქეების პროტესტის ეშინია!" საქმე ეხება ნინო წილოსანის მიერ ფეისბუქზე გავრცელებულ ვიდეოს, რომელშიც ისმის დეპუტატის ფრაზა: "კიდევ მოდის" და ჩანს, როგორ ასიგნალებს მოქალაქე ავტომობილიდან თამარაშვილის ქუჩაზე, სადაც მედია წილოსანთან ინტერვიუს წერდა. დეპუტატი მას ადევნებაში ადანაშაულებს და ირწმუნება, რომ რამდენიმე მანქანით უთვალთვალებდნენ: "რამდენჯერმე შევნიშნე სხვადასხვა მანქანა როგორ მითვალთვალებდა, თუმცა, აი, კონკრეტულად ეს ავტომანქანა რამდენიმეჯერ მომხვდა თვალში და დღეს უკვე მოვახერხე, რომ დამეფიქსირებინა და მასში მჯდომი ადამიანები მემხილა სისხლისსამართლებრივ დანაშაულში - კერძოდ ადევნებაში. ამ ვიდეოში, და დამატებით სახლის წინ არსებულ სათვალთვალო კამერებში, კარგად ჩანს, როგორ მელოდებოდა, ვიდრე ინტერვიუს დავასრულებდი და ჩართული კამერების გარეშე დავრჩებოდი მარტო, რომ დაშინება და მუქარა განეხორციელებინა. ამის შემდეგ დემონსტრაციულად ისევ დაარტყა ერთი წრე და სწორედ ამ დროს მოხერხდა გადაღება. დანარჩენს სხვა ვიდეოკამერები აღბეჭდავდნენ". три წილოსანის განცხადებას მალევე გამოეხმაურა მოქალაქე დავით კუპრავა. მისი თქმით, გზად დაინახა, როგორ წერდნენ ინტერვიუს "ქართული ოცნების" დეპუტატთან, დაუსიგნალა და "მოღალატე" დაუძახა. კუპრავას თქმით, ადევნებას ადგილი არ ჰქონია. "მე ვარ ამ მანქანით. ჩემს ცოლს გამოვუარე ვაკეში და ინტერვიუს რომ წერდი დაგინახე, დავასიგნალე და მოღალატე ხართქო დაგიძახე. ვინ გელოდებოდა, ან ვინ გითვალთვალებდა, ან რა ეს მანქანა შეამჩნიე აქამდეც? რამე ხომ არ გეშლება?! მოღალატეს მოღალატე ჰქვია და კიდევ, სადაც შემხვდებით ნებისმიერი თქვენგანი რომელმაც ჩემი სამშობლო რუსებს მიყიდეთ იგივეს გავიმეორებ!" - აცხადებს კუპრავა. ასევე ნახეთ ტერორი „მარწყვის არომატით“ - გინებისა და მუქარის ახალი ტალღა პარალელურად, „აგენტების კანონის“ მოწინააღმდეგე ადამიანების მიმართ დაშინების მცდელობები გააქტიურდა მას შემდეგ, რაც 28 მაისს პარლამენტმა პრეზიდენტის ვეტო დაძლია. შეურაცხმყოფელი და მუქარის შემცველი სატელეფონო ზარების ადრესატები სამოქალაქო აქტივისტებთან, ჟურნალისტებთან, არასამთავრობო ორგანიზაციებისა თუ ოპოზიციური პარტიების წარმომადგენლებთან ერთად, ის მოქალაქეებიც არიან, რომლებიც არცერთ პარტიას ან ჯგუფს არ ეკუთვნიან - უბრალ...