ე.წ. ოფშორების კანონზე პრეზიდენტის მოტივირებული შენიშვნები პარლამენტის პლენარულ სხდომაზე 29 მაისს განიხილეს და მხარი არ დაუჭირეს. საგადასახადო კოდექსში შესული ცვლილებების პირვანდელი რედაქცია დაამტკიცეს 83 ხმით ერთის წინააღმდეგ და ამით პრეზიდენტის ვეტო დაძლიეს. ასევე ნახეთ ზურაბიშვილის რვა ვეტო - როდის და რაზე? ახალი კანონით, უცხოური საწარმოს ყველა აქტივის (მათ შორის, წილის/აქციის) საქართველოს საწარმოსთვის გადაცემის შემთხვევაში, კომპანია საშემოსავლო და მოგების გადასახადისგან ერთჯერადად გათავისუფლდება. ასევე ნახეთ პარლამენტმა „ოფშორების კანონზე“ პრეზიდენტის ვეტო დაძლია ხელისუფლების ოპონენტები ფიქრობენ, რომ კანონი „ქართული ოცნების“ საპატიო თავმჯდომარის, ბიძინა ივანიშვილის ინტერესებს ერგება და სანქციების მიმართ გაზრდილ მოლოდინს უკავშირდება. „ქართული ოცნების“ დამფუძნებელი ოფშორებში 20 კომპანიას ფლობდა, - ამბობს „საერთაშორისო გამჭვირვალობა-საქართველოს“ 2021 წელს მომზადებული კვლევა. ოპოზიცია და ანალიტიკოსების ნაწილი ასევე შიშობენ, რომ ოფშორული კომპანიებისთვის გაუქმებული გადასახადებით „ფულის გათეთრების” რისკი იზრდება. ასევე ნახეთ საქართველოს ოფშორებში შენახული სიმდიდრის „გადმოქაჩვა“ უნდა, ვინ იხეირებს? პრეზიდენტმა „ოფშორების კანონს“ ვეტო 3 მაისს დაადო. იგი თავის მოტივირებულ შენიშვნებში წერდა, რომ საკანონმდებლო ცვლილებები, რომლებიც სერიოზული პოლიტიკური და ეკონომიკური რისკების შემცველია, არ შეიძლება მიღებულიყო დაჩქარებული წესით, განხილვისთვის სათანადო დროის დათმობისა და საზოგადოების ჩართულობის ყოველგვარი უზრუნველყოფის გარეშე. ...