ბელგიის პრემიერ-მინისტრმა ალექსანდერ დე კროომ პასუხისმგებლობა აიღო ქვეყნის პარლამენტის არჩევნებსა და ევროპარლამენტის არჩევნებში თავისი ლიბერალ-დემოკრატიული პარტიის მარცხზე და თანამდებობიდან გადადგომა გადაწყვიტა. ამასთან, დე კროომ განაცხადა, რომ ლიბერალები ძლიერი არიან და დაბრუნებიან. ბელგიის ფედერალურ პარლამენტს ჰოლანდიურენოვანი ფლანდრიის და ფრანგულენოვანი ვალონიის რეგიონებში ირჩევენ. წინასწარი შედეგებით, პრემიერ-მინისტრ კროოს პარტიამ ფლანდრიაში მიიღო ხმების მხოლოდ 5,5%. პირველ ადგილზე 17%-ით გავიდა მემარჯვენე პარტია „ახალი ფლანდრიული ალიანსი“, ხოლო მეორეზე 14%-ით - მემარჯვენე რადიკალური პარტია „ფლანდრიის ინტერესი“. ვალონიაში პირიქით, პოზიციები ლიბერალებმა გაიუმჯობესეს. ასევე ნახეთ მაკრონმა საფრანგეთის პარლამენტი დაითხოვა მემარჯვენე-პოპულისტების ევროპარლამენტის არჩევნებში ტრიუმფის შემდეგ ალექსანდერ დე კროო, რომლის პარტიისთვის წარუმატებელი იყო ევროპარლამენტის არჩევნებიც, ბელგიის პრემიერ-მინისტრის თანამდებობიდან გადადგომის გადაწყვეტილებას ოფიციალურად დღეს, 10 ივნისს აცნობებს მეფე ფილიპს. დე კროო პრემიერის მოვალეობას შეასრულებს ახალი მთავრობის ფორმირებამდე. ბელგიაში 9 ივნისს ჩატარებული საპარლამენტო არჩევნების შედეგების ოფიციალურად გამოცხადების შემდეგ პოლიტიკურ პარტიებს შორის დაიწყება რთული მოლაპარაკება კოალიციური მთავრობის შესაქმნელად. 2019 წლის არჩევნების შემდეგ, კოალიციური მთავრობის შექმნას თითქმის 500 დღე დასჭირდა. ასევე ნახეთ ევროპარლამენტში ყველაზე მეტი მანდატი ისევ მემარჯვენე-ცენტრისტების ალიანსს ექნება ...