ევროპა კიევთან განიხილავს უკრაინის გავლით გაზის ტრანზიტის შენარჩუნების ვარიანტს - შეიცვალოს რუსეთის გაზი აზერბაიჯანულით. ამის შესახებ იტყობინება Bloomberg-ი წყაროებზე დაყრდნობით. ევროპისკენ უკრაინის ტერიტორიის გავლით რუსეთის გაზის ტრანზიტის თაობაზე ხელშეკრულება წლის ბოლოს იწურება. კიევი არ გეგმავს გაზპრომთან შეთანხმების გაგრძელებას. უკრაინის კომპანია ნაფტოჰაზის წარმომადგენელმა, ალექსეი ჩერნიშოვმა განაცხადა, რომ უკრაინას აქვს ტრანზიტისთვის საჭირო ინფრასტრუქტურა, რომელიც გამოყენებული უნდა იქნეს. Bloomberg-ი აღნიშნავს, რომ ქვეყანა, რომელიც იხეირებს ევროპაში აზერბაიჯანის გაზის მიწოდებით, არის სლოვაკეთი. სააგენტო წერს, რომ ტრანზიტის ასეთი შესაძლებლობის შესახებ მაისში ილაპარაკა სლოვაკეთის პრემიერ-მინისტრმა, რობერტ ფიცომ. მისი თქმით, თუ შეთანხმებას მიაღწევენ, ბრატისლავა შეძლებს აზერბაიჯანიდან გაზის იმპორტირებას, ნაწილის თავისთვის დატოვებას და დანარჩენის ევროპის სხვა ქვეყნებში გაგზავნას. რუსეთისთვის ასეთი გეგმა სასარგებლო იქნება, თუ ტრანზიტი გაცვლის სახით მოხდება. ამ შემთხვევაში მოსკოვი თავის საწვავს სხვა რეგიონებში გაგზავნის. Bloomberg-ი წერს, რომ აზერბაიჯანის გაზით რუსეთის გაზით შესაძლო შეცვლის შესახებ გადაწყვეტილებას წლის ბოლომდე ვერ მიიღებენ. შეთანხმებაზე შეიძლება ბრძოლის ველზე ვითარებამაც იმოქმედოს. ევროპაში რუსეთის გაზის უკრაინის გავლით გადაქაჩვის შეთანხმება 2019 წელს გაფორმდა. დღემ მისი უმთავრესი მომხმარებლები ავსტრია და სლოვაკეთი არიან. უკრაინა კატეგორიულად უარყოფს გაზპრომთან შეთანხმებას. კიევი აცხადებს, რომ ევროპის ფირმებს შეუძლიათ უკრაინის ინფრასტრუქტურა დაიქირაონ. ასევე ნახეთ ევროკავშირმა შესაძლოა რუსეთიდან თხევადი გაზის მიწოდება აკრძალოს ...