საქართველოში არ შემოუშვეს „სომხეთის ევროპული პარტიის" ლიდერი, კინორეჟისორი ტიგრან ხზმალიანი. ამის შესახებ მან თავად დაწერა სოციალურ ქსელში. ხზმალიანი საქართველოში ერთდღიანი საქმიანი ვიზიტით აპირებდა შემოსვლას. ის ჰყვება, რომ მესაზღვრეების პასუხს სამი საათის განმავლობაში ელოდა, რის შემდეგაც მას განმარტების გარეშე დაუბრუნეს პასპორტი, რის შემდეგაც სომხეთში დაბრუნება მოუხდა. „გილოცავთ რუსეთის დღეს“ - დაწერა მან ფეისბუკის გვერდზე. მის მიერ გამოქვეყნებული ცნობაში მითითებულია „სხვა მიზეზი“ რაც ქვეყანაში შესვლაზე უარის სტანდარტული ფორმულირებაა. რადიო თავისუფლება პასუხის მისაღებად შინაგან საქმეთა სამინისტროს დაუკავშირდა. უწყების პასუხი მიღების შემთხვევაში აისახება მასალაში. ხზმალიანი, სომხეთის კოლექტიური უსაფრთხოების ხელშეკრულების ორგანიზაციიდან (ОДКБ) გამოსვლისა და ევროკავშირში გაწევრიანების, აქტიური მხარდამჭერია. თბილისში „აგენტების კანონის“ მოწინააღმდეგეთა საპროტესტო აქციების დროს „სომხეთის ევროპულმა პარტიამ,“ მხარი დაუჭირა „საქართველოს ხალხის ბრძოლას ევროატლანტიკური ინტეგრაციისა და დამოკრათიისთვის“. პარტია ქართველ ოპოზიციონერებთან თანამშრომლობს. საქართველოს ხელისუფლება დროდადრო უარს ეუბნება ქვეყანაში შესვლაზე რუს დამოუკიდებელ ჟურნალისტებს, ოპოზიციონერ პოლიტიკოსებს და უფლებადამცველებს, ასევე კრემლის პოლიტიკისა და რუსეთის უკრაინაში შეჭრის მხარდამჭერ რუსეთის მოქალაქეებს. 2023 წელს ოპოზიციური საქართველოში არ შემოუშვეს „აზერბაიჯანის სახალხო ფრონტის“ თავმჯდომარის მოადგილე, ჟურნალისტი და ყოფილი პოლიტპატიმარი სეიმურ ხაზი. ...