გურამ ადამიას გამოძიება წვრილმან ხულიგნობას და პოლიციელის კანონიერი მოთხოვნისადმი დაუმორჩილებლობას ედავებოდა. IT სპეციალისტი გურამ ადამია პარლამენტის უკანა შესასვლელთან მიმდინარე საპროტესტო აქციაზე 13 მაისს დააკავეს და მას ფიზიკურად გაუსწორდნენ. მისი დაზიანებები იმდენად მძიმე იყო, რომ წინასწარი დაკავების იზოლატორიდან კლინიკაში გადაიყვანეს. ასევე ნახეთ აქციაზე დაკავებული ერთ-ერთი დემონსტრანტი იზოლატორიდან კლინიკაში გადაიყვანეს იმავე საღამოს, პროპაგანდისტულ მედიებში გაჩნდა ინფორმაცია, თითქოს გურამ ადამია, რომელსაც ორმაგი, საქართველოს და მოლდოვის მოქალაქეობა აქვს, საქართველოში არეულობის მოსაწყობად ჩამოვიდა. სოხუმიდან დევნილ გურამ ადამიას მოლდოველი დედა ჰყავს, ის 2011 წლიდან საქართველოში ცხოვრობს და არც ახლა აპირებს საცხოვრებლად სხვაგან წასვლას. კლინიკიდან გამოწერის შემდეგ, გურამ ადამიამ რადიო თავისუფლებას მისცა ვრცელი ინტერვიუ, რომელშიც ჰყვება, როგორ გაუსწორდნენ დაკავებისას სპეცრაზმელები: „ეს არის წამების სისტემური დანაშაული“, - უთხრა მან რადიო თავისუფლებას. renderExternalContent("//www.radiotavisupleba.ge/embed/player/0/32957423.html?type=video&pangeaEmbed=true", "//www.radiotavisupleba.ge/a/32957423.html?type=video") „აგენტების კანონის“ საწინააღმდეგო აქციებზე 15 აპრილიდან 15 მაისის ჩათვლით, სამართალდამცავებმა 180-ზე მეტი ადამიანი დააკავეს წვრილმანი ხულიგნობისა და პოლიციელისადმი დაუმორჩილებლობისთვის. დაკავებულთა უმეტესობა პოლიციელების მხრიდან ძალის გადამეტებაზე, არასათანადო მოპყრობაზე, ფიზიკურ ანგარიშსწორებასა და სიტყვიერ შეურაცხყოფაზე საუბრობს. ამას ადასტურებდა საკუთარ განცხადებებში სახალხო დამცველიც. renderExternalContent("https://www.youtube.com/embed/-9oq7n5IX8M?&&&fs=1&enablejsapi=1") აქციებზე დაკავებული მოქალაქეების მიმართ ძალის გადამეტების საქმეებს სპეციალური საგამოძიებო სამსახური იძიებს, თუმცა ამ დრომდე არცერთი პასუხისმგებელი პირი გამოკვეთილი არ არის. ასევე ნახეთ რატომ შეიძლება თითქმის დანამდვილებით იმის თქმა, რომ სპეცრაზმელებს არ დასჯიან? ბოლო, 8 ივნისს გავრცელებული განცხადების თანახმად, სპეციალური საგამოძიებო სამსახური წერს, რომ სამართალდამცავი ორგანოს თანამშრომლების მხრიდან განხორციელებულ შესაძლო კანონსაწინააღმდეგო ქმედებების თაობაზე სხვადასხვა უწყებიდან და ცხელი ხაზის მეშვეობით სპეციალურ საგამოძიებო სამსახურში ჯამში 138 შეტყობინებაა შესული. სპეციალურ საგამოძიებო სამსახურში გამოძიება საქართველოს სისხლის სამართლის კოდექსის 333-ე მუხლის მესამე ნაწილის „ბ“ ქვეპუნქტით გათვალისწინებული დანაშაულის ნიშნებით დაიწყო, რაც გულისხმობს სამსახურებრივი უფლებამოსილების ძალადობით გადამეტებას. „სპეციალურმა საგამოძიებ...