ბრიტანეთმა, გერმანიამ და საფრანგეთმა 15 ივნისს დაგმეს ირანის ბოლო ნაბიჯები, რომელთა თაობაზე გაეროს ატომური ენერგეტიკის სააგენტომ გაავრცელა ცნობა. ის ირანის ბირთვული პროგრამის გაფართოების გამო შეშფოთებჰას გამოხატავს. „ირანმა გადადგა დამატებითი ნაბიჯები ბირთვული შეთანხმების დარღვევის მიმართულებით, აამოქმედა ათეულობით დამატებითი თანამედროვე ცენტრიფუგა ნათანზის ურანის გამდიდრების კომპლექსში და გამოაცხადა, რომ დადგამს კიდევ ათასობით ცენტრიფუგას ფორდოს და ნათანზის ობიექტებზე“ - ნათქვამია ერთობლივ განცხადებაში, რომელიც გულისხმობს ირანსა და გაეროს უშიშროების საბჭოს წევრებს, ასევე გერმანიას შორის 2015 წელს დადებულ შეთანხმებას - მოქმედების ერთობლივ ყოვლისმომცველ გეგმას. განცხადების ხელისმომწერი ქვეყნები დასძენენ, რომ ირანის „ეს გადაწყვეტილება მისი ბირთვული პროგრამის შემდგომ გაფართოებას მოიტანს, რაც არის გავრცელების მნიშვნელოვანი საფრთხე. ევროპის სამი ქვეყნის ერთობლივ განცხადებაში ხაზგასმულია, რომ „ირანის გადაწყვეტილება არსებითად გაზრდის საწარმოო სიმძლავრეს ფორდოს მიწისქვეშა ობიექტზე, რაც განსაკუთრებულ შეშფოთებას იწვევს“. "ბირთვული იარაღის გაუვრცელებლობის ხელშეკრულების თანახმად, ირანი ვალდებულია შეასრულოს მოქმედების ერთობლივი ყოვლისმომცველი გეგმისგან დამოუკიდებელი გარანტიები“- თვლიან ბრიტანეთი, გერმანია და საფრანგეთი, რომლებიც 2015 წლის შეთანხმების მონაწილეები არიან რუსეთთან, ჩინეთთან და აშშ-თან ერთად. აშშ-მა 2018 წელს დატოვა შეთანხმება, რომელიც ირანისთვის სანქციების შერბილების სანაცვლოდ მისი ბირთვული პროგრამის შეზღუდვას ითვალისწინებდა. მას მერე, რადგან არ სრულდება სანქციების თაობაზე დადებული პირობა, ირანი საპასუხოდ ეტაპობრივად აფართოებს თავის ბირთვულ პროგრამას. ასევე ნახეთ საფრანგეთმა, ბრიტანეთმა და გერმანიამ განაცხადეს, რომ ირანის პოზიცია IAEA-ის გამოძიების მიმართ საფრთხეს უქმნის ბირთვულ მოლაპარაკებებს ...