შვეიცარიაში უკრაინაში მშვიდობის სამიტის ფარგლებში საქართველოს პრეზიდენტი სალომე ზურაბიშვილი ევროკომისიის პრეზიდენტს ურზულა ფონ დერ ლაიენს შეხვდა. სოციალურ ქსელ X-ში ევროკომისიის ხელმძღვანელი ზურაბიშვილს ლიდერობისთვის და ევროპული მომავლის მიმართ ერთგულებისთვის მადლობას უხდის. „მე ღრმად პატივს ვცემ თქვენს ერთგულებას საქართველოს ევროპული მომავლის მიმართ. ქართველი ხალხი მტკიცედ მხარს უჭერს ამ გზას. ჩვენ მოვუწოდებთ საქართველოს მთავრობას, იმოქმედოს საქართველოს ევროკავშირის მისწრაფებების შესაბამისად“, - დაწერა მან. три საპასუხოდ ზურაბიშვილმა აღნიშნა: „დიდი მადლობა პრეზიდენტო თქვენი მტკიცედ მხარდაჭერისათვის ქართველი ხალხის ევროპული მისწრაფებებისთვის“. три საქართველოს პრეზიდენტი, აგრეთვე, შეხვდა ესტონეთის პრემიერ-მინისტრს კაია კალასს, რომელმაც სოციალურ ქსელში დაწერა, რომ ესტონეთი ქართველი ხალხის გვერდით დგას და მხარს უჭერს მათ აშკარა სურვილს, გახდნენ ევროპის ნაწილი. ზურაბიშვილმა 15 ივნისს სოციალურ ქსელში დაწერა, რომ შვეიცარიაში შეხვდა ევროპული საბჭოს პრეზიდენტს შარლ მიშელს და „ქართულ ქარტიასა“ და საქართველოსთვის პოლიტიკური ლანდშაფტის შესახებ ესაუბრა. საქართველოს პრეზიდენტმა, სალომე ზურაბიშვილმა, შვეიცარიაში, უკრაინის მშვიდობის სამიტზე შეხვედრები გამართა როგორც უკრაინის პრეზიდენტთან, ვოლოდიმირ ზელენსკისთან, ასევე პოლონეთის პრეზიდენტს ანჯეი დუდას და მოლდოვის პრეზიდენტს მაია სანდუს. ასევე ნახეთ საქართველოს პრეზიდენტი შვეიცარიაში ზელენსკის შემდეგ ანჯეი დუდას და მაია სანდუსაც შეხვდა მშვიდობის გლობალურ სამიტში, რომელიც 15-16 ივნისს იმართება, ასამდე ქვეყანა მიიღებს მონაწილეობას, მათგან 57 უმაღლეს - პრეზიდენტებისა და პრემიერ-მინისტრების - დონეზე არის წარმოდგენილი, კიდევ 29 ქვეყანა მინისტრების - ძირითადად, საგარეო უწყებების ხელმძღვანელების - რანგში. ექვსმა ქვეყანამ ელჩები გაგზავნა: ინდონეზია, ისრაელი, არაბთა გაერთიანებული საამიროები, სამხრეთი აფრიკა, ფილიპინები და ბრაზილია. ბრაზილია და ვატიკანი დამკვირვებლების და არა სამიტის მონაწილეების სტატუსით არიან წარმოდგენილები. ღონისძიებაში მონაწილეობას არ იღებს რუსეთი, რომელიც არც ყოფილა მიწვეული, და ჩინეთი, რომელმაც მონაწილეობაზე უარი თქვა. ასევე ნახეთ უკრაინის მშვიდობის სამიტი 16 ივნისს გააგრძელებს მუშაობას ასევე ნახეთ სალომე ზურაბიშვილი უკრაინის მშვიდობის სამიტზე: უკრაინის წინააღმდეგ ომამდე იყო ომი საქართველოს წინააღმდეგ ...