კოჯორში „ჯარის ბანაკის“ გახსნის ღონისძიების შემდეგ, პრემიერ-მინისტრმა ირაკლი კობახიძემ კიდევ ერთხელ ილაპარაკა მის მიმართ „ევროკომისრის მუქარაზე“. როგორც მთავრობის თავმჯდომარემ აღნიშნა, მზად არის ამ საქმეზე ჩვენების მისაცემად, თუკი რომელიმე ქვეყანა დაინტერესდება. მან დაამატა, რომ საქართველოში გამოძიების დაწყების ინტერესს ვერ ხედავს. „რაც შეეხება ფიცოს ბედის გაზიარებით მუქარის საქმეს, მე ამასთან დაკავშირებით გავაკეთე განცხადება, რომ თუ ნებისმიერი ქვეყნის გამოძიება დაინტერესდება, მზად ვარ მივცე ჩვენება და ეს გამოძიება შეიძლება იყოს აქტუალური კონკრეტული ქვეყნებისთვის და არა ქართული გამოძიებისთვის. მე არ მგონია, რომ საბოლოო ჯამში, მუქარა იყო შედეგზე გათვლილი. აქედან გამომდინარე, ვერ ვხედავ საქართველოში გამოძიების დაწყების ინტერესს“, - თქვა კობახიძემ, რომელმაც ევროკომისარ ვარჰეის საპასუხო განმარტებას „პირდაპირი აღიარება“ უწოდა. 12 ივნისს სუსის ხელმძღვანელმა გრიგოლ ლილუაშვილმა განაცხადა, რომ კობახიძის განცხადებაში არ იყო გამოძიების დასაწყებად საკმარისი მტკიცებულებები. ასევე ნახეთ გამოძიებისთვის სათანადო მტკიცებულებები არ არის - ლილუაშვილი კობახიძე-ვარჰეის საუბარზე 23 მაისს საქართველოს პრემიერ-მინისტრმა ირაკლი კობახიძემ ფეისბუკის ოფიციალურ გვერდზე დაწერა, რომ ერთ-ერთი ევროკომისარი მას დაემუქრა. მისი განცხადებით, ეს უკავშირდებოდა „აგენტების კანონზე“ პრეზიდენტის ვეტოს დაძლევის შემდეგ მოსალოდნელ ზომებს. „ჩემთან საუბარში, ევროკომისარმა ჩამოთვალა მთელი რიგი ზომები, რომლებიც დასავლელმა პოლიტიკოსებმა გამჭვირვალობის კანონზე ვეტოს დაძლევის შემდეგ შეიძლება მიიღონ და ამ ზომების ჩამოთვლისას ახსენა: ხომ ნახეთ ფიცოს რა დაემართა და ძალიან ფრთხილად უნდა იყოთო“, - თქვა კობახიძემ. ირაკლი კობახიძის განცხადებას ევროკომისარი ოლივერ ვარჰეი გამოეხმაურა. ვარჰეიმ წუხილი გამოთქვა იმის გამო, რომ მისი სატელეფონო საუბრის ერთი ნაწილი მთლიანად ამოიღეს კონტექსტიდან. „მინდა გამოვხატო გულწრფელი მწუხარება, რომ ჩემი სატელეფონო საუბრის გარკვეული ნაწილი კონტექსტიდან ამოღებულია... რამდენადაც კარგად ვიცი ქართული საზოგადოების ძალიან ძლიერი პროევროპული განწყობის შესახებ, ჩემი სატელეფონო საუბრისას საჭიროდ ჩავთვალე, პრემიერის ყურადღება მიმექცია იმაზე, რომ ამ კანონის მიღებით არ გამწვავებულიყო ისედაც მყიფე ვითარება, რამაც შეიძლება გამოიწვიოს შემდგომი პოლარიზაცია და თბილისის ქუჩებში შესაძლო უკონტროლო სიტუაციები. ამასთან დაკავშირებით სლოვაკეთის ბოლო ტრაგიკული მოვლენა იქნა მოყვანილი, როგორც მაგალითი და მითითება იმისა, თუ სად შეიძლება მიგვიყვანოს პოლარიზაციის ასეთმა მაღალმა დონემ საზოგადოებაში, თუნდაც ევროპაში“, - დაწერა მან. 15 მაისს სლოვაკეთის დედაქალაქ ბრატისლავიდან 180 კილომეტრში მდებარე ს...