ევროპული საბჭო საქართველოში განვითარებულ მოვლენებთან დაკავშირებით წუხილს გამოთქვამს, კერძოდ, „აგენტების კანონის“ დამტკიცება კომისიის მიერ შეფასებულია უკუსვლად კანდიდატის სტატუსთან დაკავშირებულ რეკომენდაციებთან მიმართებით. ამის შესახებ ნათქვამია ევროპული საბჭოს სამიტის შემდეგ, 27 ივნისს გავრცელებულ განცხადებაში. * "ევროპული საბჭო მოუწოდებს საქართველოს ხელისუფლებას, სიცხადე შეიტანოს თავის განზრახვებში არსებულ მოქმედებათა კურსის ცვლილების საშუალებით, რაც საფრთხეს უქმნის საქართველოს ევროკავშირისკენ მიმავალ გზას და გაწევრიანების პროცესი ფაქტობრივად გაჩერებამდე მიჰყავს' ევროპული საბჭო მოუწოდებს, წერტილი დაესვას სამოქალაქო საზოგადოების, პოლიტიკური ლიდერების, სამოქალაქო აქტივისტებისა და ჟურნალისტების დაშინებას, მუქარას და ფიზიკურ თავდასხმებს. საქართველოს შეახსენებენ, რომ ევროკავშირის საბაზისო ღირებულებებისა და პრინციპების პატივისცემას ნებისმიერი ქვეყნისთვის, რომელიც წევრობისკენ მიისწრაფვის, მნიშვნელოვანი როლი აქვს. ევროპული საბჭო მოუწოდებს საქართველოს ხელისუფლებას, უზრუნველყოს, რომ შემოდგომაზე დაგეგმილი საპარლამენტო არჩევნები იყოს თავისუფალი და სამართლიანი და წაახალისოს პარტნიორი ქვეყნების გრძელვადიანი და მოკლევადიანი სადამკვირვებლო პროცესი. ის გააგრძელებს ვითარებაზე ყურადღებით დაკვირვებას. ევროპული საბჭო კიდევ ერთხელ ადასტურებს თავის ურყევ მხარდაჭერას საქართველოს ტერიტორიული მთლიანობის მიმართ. ის იმეორებს თავის ურყევ სოლიდარობას ქართველ ხალხთან და მზადყოფნას, განაგრძოს ქართველების მხარდაჭერა ევროპული მომავლისკენ მიმავალ გზაზე. ასევე ნახეთ „აგენტების კანონი“ არჩევნებზე უარყოფითად აისახება - PACE-ს რეზოლუცია 27 ივნისს ევროპის საბჭოს საპარლამენტო ასამბლეამ (PACE) რეზოლუცია მიიღო საქართველოში დემოკრატიის გამოწვევების შესახებ. საპარლამენტო ასამბლეა რეზოლუციით გამოხატავს ღრმა შეშფოთებას საქართველოში განვითარებული მოვლენების გამო, რომლებიც სერიოზულ ეჭვს ბადებს საერთაშორისო დემოკრატიული ნორმებისა და ევროატლანტიკური ინტეგრაციისადმი ქვეყნის ერთგულებასა და მზადყოფნაზე, შეასრულოს ევროპის საბჭოში წევრობის ვალდებულებები. 2023 წლის დეკემბერში საქართველომ ევროკავშირის კანდიდატის სტატუსი მიიღო, მმართველმა პარტიამ - „ქართულმა ოცნებამ“ - რამდენიმე ოპოზიციონერის დახმარებით მოლაპარაკებების გახსნამდე მიიღო „აგენტების კანონი“, რომელსაც ევროკავშირი და ქვეყნის სხვა პარტნიორები ევროინტეგრაციასთან შეუსაბამოდ მიიჩნევენ. ასევე ნახეთ რა მოხდება, თუ ევროკავშირში "ოცნების" მაღალჩინოსნებს აღარ შეხვდებიან? წითელი ხაზები ურთიერთობებში * ცვლილება განცხადებიდან ციტატის თარგმანი და შესაბამისად ახალი ამბის სათაური შეიცვალა საქართველოსთან დაკავშირებ...