„[ვიდეოზარით საუბრის დროს] ბრალდებული მუქარით არასრულწლოვანის შიშველ მდგომარეობაში ყოფნას მოითხოვდა. ვიდეოზარით კომუნიკაციისას არასრულწლოვანმა შენიშნა, რომ ბრალდებული ე.წ. სქრინების გადაღებას ახდენდა. მან ბრალდებულს ინტიმური შინაარსის ფოტოების წაშლა მოსთხოვა“, - აღნიშნავენ სპეციალურ საგამოძიებო სამსახურში. გამოძიების ცნობით, მალევე სოციალურ ქსელში გავრცელდა 13 წლის გოგოს ფოტოები, რომლებზეც ის შიშველ მდგომარეობაში ჩანდა. მოზარდს უცნობი ადამიანები უკავშირდებოდნენ და ფოტოების დედისთვის გაგზავნით ემუქრებოდნენ. „ბრალდებულის მობილურ ტელეფონში, ასევე, აღმოჩენილი იქნა სხვა არასრულწლოვანი გოგოების ინტიმური შინაარსის ფოტოებიც“, - აღნიშნავენ საგამოძიებო უწყებაში. დაკავებულს შვიდ წლამდე პატიმრობა ემუქრება - გამოძიება მიმდინარეობს სისხლის სამართლის კოდექსის 157-ე პრიმა მუხლით, პირადი ცხოვრების საიდუმლოს ხელყოფის კვალიფიკაციით. ეს არ არის პირველი შემთხვევა, როცა სპეციალური საგამოძიებო სამსახური არასრულწლოვანის ინტიმური ფოტოების გავრცელებისთვის აკავებს ვინმეს. ასე მოხდა რამდენიმე კვირის წინაც. ასევე ნახეთ 13 წლის გოგოს ინტიმური კადრების უკანონოდ მოპოვება-გავრცელებისთვის 19 წლის ახალგაზრდა კაცი დააკავეს ...