ადამიანის უფლებების საკითხებში გაეროს კოორდინატორმა ღაზის სექტორში, სიგრიდ კააგმა, 2 ივლისს განაცხადა, რომ ამჟამად სექტორში 1,9 მილიონი იძულებით გადაადგილებული პირია. მისი თქმით, ის „ღრმად შეშფოთებულია ცნობებით ხან-იუნისიდან ახალი ევაკუაციის თაობაზე განკარგულებების გამო". გაეროს ვარაუდით, დაახლოებით 250 ათას ადამიანს ეხება ისრაელის არმიის განკარგულება იმის თაობაზე, რომ სამოქალაქო პირებმა უნდა დატოვონ ალ-ყარარა, ბანი სუჰაილა და ღაზის სექტორის სიდიდით მეორე ქალაქის, ხან-იუნისის მახლობლად მდებარე სხვა დასახლებები. „კვლავ ადგილნაცვალ პირად იქცა ერთ მილიონზე მეტი ადამიანი, რომლებიც სასოწარკვეთილი ეძებენ თავშესაფარს და უსაფრთხოებას და ამჟამად მთელს ღაზაში 1,9 მილიონი ადამიანი არის საკუთარი სახლ-კარიდან გადაადგილებული“, - განუცხადა სიგრიდ კააგმა გაეროს უშიშროების საბჭოს. მან თქვა, რომ ღაზის სექტორს არასაკმარისად მიეწოდება დახმარება და რომ ჰუმანიტარული კატასტროფის თავიდან ასაცილებლად აუცილებელია სამხრეთში საკონტროლო-გამშვები პუნქტების გახსნა. კააგის თქმით, რაფაჰის საკონტროლო-გამშვები პუნქტი კვლავ უნდა გაიხსნას. მან ასევე მოუწოდა საერთაშორისო თანამეგობრობას, მეტი გააკეთოს დახმარების დასაფინანსებლად. გაეროს გენერალური მდივნის, ანტონიუ გუტერეშის წარმომადგენელმა განაცხადა, რომ „გუშინდელი განკარგულება ხან-იუნისისა და რაფაჰის პროვინციებში 117 კვადრატული კილომეტრი ტერიტორიიდან ევაკუაციის შესახებ ვრცელდება ღაზის სექტორის დაახლოებით ერთ მესამედზე, რაც ამ ტიპის უდიდესი განკარგულებაა ოქტომბრიდან მოყოლებული“. „ამ მასშტაბის ევაკუაცია მხოლოდ გააძლიერებს მშვიდობიანი მოსახლეობის ტანჯვას“, - თქვა ოფიციალურმა წარმომადგენელმა სტეფან ჯიუჟარიკმა. 2023 წლის 7 ოქტომბერს, პალესტინელთა რადიკალური ისლამისტური მოძრაობის, მსოფლიოს არაერთი სახელმწიფოს მიერ ტერორისტულ ორგანიზაციად აღიარებული ჰამასის სამხედრო ფრთამ ისრაელზე მასშტაბური სარაკეტო იერიში მიიტანა. შეიარაღებული ჯგუფები ისრაელის ტერიტორიაზე ხმელეთიდანაც შეიჭრნენ. ისრაელის მონაცემებით, 7 ოქტომბრის თავდასხმისას 1200-ზე მეტი ადამიანი დაიღუპა, 250-ზე მეტი კი ჰამასის მძევლობაში აღმოჩნდა. ისრაელმა ჰამასს ომი გამოუცხადა და ღაზის სექტორში მასშტაბური ოპერაცია დაიწყო. 2023 წელს, დროებითი ზავის პერიოდში, ჰამასის მძევლობიდან გაათავისუფლეს 100-ზე მეტი ადამიანი. ისრაელის მთავრობის მონაცემებით, ტყვეობაში რჩება 120-ზე მეტი. მათგან 41 დაღუპულადაა მიჩნეული. ჰამასის მიერ მართული ღაზის სექტორის ჯანდაცვის სამინისტროს მონაცემებით, საომარი მოქმედებების შედეგად 2023 წლის ოქტომბრიდან 2024 წლის მაისის ჩათვლით დაიღუპა 36 000-ზე მეტი პალესტინელი. ღაზის სექტორში უმძიმესი ჰუმანიტარული კრიზისია. ისრაელს არაერთი ქვეყანა და ორგანიზაცია ადანაშაულებს ღაზაში სამხ...