აშშ-მ „აგენტების კანონის“ მიღების შემდეგ სავიზო შეზღუდვები დაუწესა მათ, ვინც საქართველოში დემოკრატიის ძირის გამოთხრაზეა პასუხისმგებელი. ენუქიძე ერთ-ერთია იმ 85 დეპუტატს შორის, რომელმაც ამ კანონს მხარი დაუჭირა. თუმცა უცნობია, ვრცელდება თუ არა მასზეც სავიზო შეზღუდვები. ასევე ნახეთ „აგენტების კანონის“ მხარდამჭერი მილიონერი პარლამენტარები - ვინ არიან და რას ფლობენ მონაცემები დეკლარაციების მიხედვით: 2023 წელს შევსებულ დეკლარაციაში დეპუტატი წერდა, რომ „ტესლასი“ ფლობდა 557 150 დოლარის ღირებულების 2300 აქციას. ამონარიდი 2023 წლის დეკლარაციიდან 2024 წელს შევსებული დეკლარაციაში კი ჩაწერა, რომ „ტესლასი“ ფლობდა 235 661 დოლარის ღირებულების 1020 აქციას. ამონარიდი 2024 წლის დეკლარაციიდან რადიო თავისუფლებას სურდა დეპუტატისთვის ეკითხა, როდის და რატომ გადაწყვიტა ერთ-ერთი ყველაზე ძვირადღირებული ამერიკული ავტომობილების მწარმოებელი კომპანიის აქციების გასხვისება, თუმცა მასთან დაკავშირება ვერ შეძლო. მან სატელეფონო ზარებს არ უპასუხა. მასთან კომუნიკაცია ვერც პარლამენტის პრესსამსახურის დახმარებით გახდა შესაძლებელი. წელს შევსებული დეკლარაციით, სავარაუდოა, რომ Tesla-ს აქციები მან გასულ წელს გაყიდა, სანამ პარლამენტი „აგენტების კანონს“ მიიღებდა. ამაზე მიანიშნებს დეკლარაციის ბოლო გვერდზე მითითებული ცნობა, რომ მან გასულ, 2023 წელს ფასიანი ქაღალდების / აქციების გაყიდვით $391 544 მიიღო. 2024 წელს შევსებული გოჩა ენუქიძის დეკლარაცია დეპუტატ ენუქიძეს, 2024 წლის ივნისის მდგომარეობით, საბანკო ანგარიშებზე ჰქონდა ნახევარ მილიონ ლარზე მეტი. ...