ადამიანის უფლებების რუსი აქტივისტის, სვიატოსლავ ხრომენკოვის თქმით, ციმბირში მდებარე ციხის მესვეურებმა ომის მოწინააღმდეგე 62 წლის აქტივისტი, ნატალია ფილონოვა გამკაცრებულ პირობებში მოათავსეს. ფილონოვა ამჟამად იმყოფება ციხის იმ განყოფილებაში, სადაც პატიმრებზე უფრო მკაცრი კონტროლია დაწესებული, მათ შეზღუდული აქვთ წვდომა ციხის სხვა არეალებზე და ასევე ეზღუდებათ შეხვედრები ახლობლებთან. ფილონოვას 17 თვით აქვს მისჯილი პატიმრობა 2022 წელს, უკრაინის ომში მოქალაქეთა გაწვევის საწინააღმდეგო აქციაზე პოლიციელებზე თავდასხმის ბრალდებით. ფილონოვა ბრალდებას არ ცნობს და მას პოლიტიკურად მოტივირებულს უწოდებს. ასევე ნახეთ როგორ ქმნის რუსეთში პროპაგანდა Gen-Z-იდან საზარბაზნე Z-ს ...