უკრაინაზე რუსეთის არმიის გუშინდელი მასიური სარაკეტო დარტყმის შედეგად დაღუპულთა რიცხვმა 40-ს გადააჭარბა. სამშაბათს დილით, ცნობილი იყო კიევსა და კრივოი როგში 38 დაღუპულის შესახებ. მოგვიანებით, კიევის ქალაქის ადმინისტრაციამ განაცხადა, რომ შევჩენკოს რაიონში საცხოვრებელი კორპუსის ნანგრევების გაწმენდის დროს კიდევ ოთხი ადამიანის ცხედარი იპოვეს. უკრაინის პრეზიდენტმა, ვოლოდიმირ ზელენსკიმ სოციალურ ქსელში გამოაქვეყნა იმ ადგილებში მიმდინარე სამაშველო და აღდგენის ოპერაციების კადრები, რომლებზეც რუსეთის სარაკეტო დარტყმები განხორციელდა. три 8 ივლისს, რუსეთის სამხედრო ძალებმა სხვადასხვა ტიპის რაკეტებით მიიტანეს იერიში უკრაინის დედაქალაქ კიევსა და რამდენიმე რეგიონზე. კიევში დაინგრა ბავშვთა საავადმყოფო „ოხმატდეტის“ ერთი კორპუსი. საქალაქო-სამხედრო ადმინისტრაციის ინფორმაციით, დაიღუპნენ კლინიკის ექიმი და ერთ-ერთი პაციენტის ნათესავი. დაიჭრა 50-ზე მეტი ადამიანი, მათ შორის 7 ბავშვი. ნაწილობრივ დაინგრა კერძო სამედიცინო ცენტრი „ადონისიც“, სადაც 9 ადამიანი დაიღუპა. კიევის შევჩენკოს რაიონში სახლის ერთი სადარბაზოს ნგრევის შედეგად დაიღუპა 10-ზე მეტი ადამიანი. ამავე რაიონში მდებარე სამრეწველო ობიექტის ნგრევამ 2 ადამიანის სიცოცხლე იმსხვერპლა. 7 ადამიანი დაიღუპა სოლომენსკის რაიონში მდებარე ბიზნეს-ცენტრ „დომინოში“. 9 ივლისი უკრაინის დედაქალაქ კიევში გლოვის დღედ არის გამოცხადებული. ასევე ნახეთ გაეროს უშიშროების საბჭო იმსჯელებს რუსეთის თავდასხმაზე, რომელსაც ათობით ადამიანი ემსხვერპლა კიევის ბავშვთა საავადმყოფოში რუსეთის თავდაცვის სამინისტრომ კიევში სამოქალაქო ობიექტებზე, მათ შორის საავადმყოფოზე დარტყმა უარყო და განაცხადა, რომ ნგრევა გამოიწვია უკრაინის საჰაერო თავდაცის სისტემის რაკეტის ჩამოვარდნამ. რუსეთის თავდაცვის სამინისტროს მტკიცებით, 8 ივლისს, მაღალი სიზუსტის იარაღით შეუტიეს უკრაინის სამხედრო მრეწველობის ობიექტებს და საავიაციო ბაზებს და ეს იყო პასუხი უკრაინის მცდელობებზე, რუსეთის ტერიტორიაზე დაარტყას ენერგეტიკის ობიექტებს. უკრაინის პრეზიდენტმა ვოლოდიმირ ზელენსკიმ ცინიზმი უწოდა რუსეთის განცხადებას, რომ კიევში ბავშვთა საავადმყოფოს ნგრევა უკრაინის საჰაერო თავდაცვის სისტემის რაკეტამ გამოიწვია. უკრაინის უსაფრთხოების სამსახურის განცხადებით, საავადმყოფოს ტერიტორიაზე აღმოჩენილია რუსული ფრთოსანი რაკეტის(Х-101) ფრაგმენტები. უკრაინამ სისხლის სამართლის საქმე ომის დანაშაულის მუხლით აღძრა. სამოქალაქო ობიექტებზე რუსეთის სარაკეტო დარტყმების გამო უკრაინამ მოითხოვა გაეროს უშიშროების საბჭოს საგანგებო სხდომის მოწვევა. სხდომა 9 ივლისს გაიმართება. ფორუმი ...