გაერთიანებული ერების ორგანიზაციამ 9 ივლისს პროტესტი გამოთქვა იმის გამო, რომ ისრაელმა მასობრივი ევაკუაციის განკარგულება გასცა ღაზაში. ორშაბათს ისრაელმა ევაკუაციის თაობაზე გაფრთხილება გაავრცელა ქალაქ ღაზის უდიდეს ნაწილზე, რის შემდეგაც გააფთრებული ბრძოლები დაიწყო. გაეროს ადამიანის უფლებების უწყებამ განაცხადა, რომ „აღშფოთებულია“ სამოქალაქო პირების მიმართ გამოცემული ახალი განკარგულებებით. უწყების თანახმად მრავალი მშვიდობიანი მოსახლე „მრავალჯერ გადააადგილეს ძალით და ისინი ევაკუაციის შედეგად გაიგზავნნენ იმ რაიონებში, სადაც ისრაელის თავდაცვის არმიის სამხედრო ოპერაციები მიმდინარეობს და სადაც კვლავაც იღუპებიან და იჭრებიან“. 27 ივნისს ისრაელმა სამი განკარგულება გასცა ქალაქ ღაზიდან და ერთი ღაზის სექტორის სამხრეთიდან ევაკუაციის თაობაზე. ბრძანებები გაიცა ისრაელის არმიის მიერ სამხედრო ოპერაციების გააქტიურების ფარგლებში. გაერო აცხადებს, რომ საკუთარი ადგილსამყოფელი დატოვა ათიათასობით მშვიდობიანმა მოქალაქემ. ქალაქ ღაზის მცხოვრებთა თქმით, მშვიდობიანი მოსახლეობა ჯერაც ტოვებს ქალაქს. ადგილნაცვალ პირთაგან ბევრმა თქვა, რომ უკვე დატოვეს ევაკუაციის ერთი ზონა, მაგრამ აღმოაჩინეს, რომ მათი ახალი თავშესაფრის ადგილი ასევე გახდა იერიშების სამიზნე. გაერომ სამშაბათს განაცხადა, რომ სამოქალაქო პირები, რომლებსაც ორშაბათს უბრძანეს, ქალაქ ღაზის ცენტრიდან დასავლეთში გადაადგილებულიყვნენ, ახალი საბრძოლო მოქმედებების შუაგულში აღმოჩნდნენ, ვინაიდან ისრაელის არმიამ „გააძლიერა დარტყმები ქალაქ ღაზის სამხრეთში და დასავლეთში, ის დარტყმებს აყენებს იმ რაიონებს, სადაც უბრძანა ხალხს გადასვლა“. ღაზის მოსახლეობას ახლა უბრძანეს, გადავიდნენ ცენტრალურ რაიონ დეირ-ელ-ბალახში, რომელიც, გაეროს თანახმად, „უკვე სერიოზულად არის გადავსებული პალესტინელებით, რომლებიც ღაზის სექტორის სხვა რაიონებიდან არიან გადაადგილებული“. ისრაელის თავდაცვის არმიამ განაცხადა, რომ ქალაქ ღაზაში „კონტრტერორისტულ ოპერაციას“ ატარებს ჰამასის (აშშ-სა და ევროკავშირში ტერორისტულ ორგანიზაციად არის მიჩნეული) წინააღმდეგ. ისრაელის არმიამ განაცხადა, რომ ათობით მოიერიშე ექსტრემისტი მოკლა ქალაქ ღაზაში მიმდინარე ბრძოლებში. ასევე ნახეთ ისრაელის ტანკებმა იერიში მიიტანეს ქალაქ ღაზაზე ასევე ნახეთ ისრაელის ოპოზიცია ნეთანიაჰუს მხარდაჭერას პირდება ცეცხლის შეწყვეტის შეთანხმების გაფორმების შემთხვევაში ...