უწყება აცხადებს, რომ 45 წლის ქალი, ცოფით, სავარაუდოდ, თებერვალში, მისივე ლეკვისგან დაინფიცირდა, რის შემდეგაც, იმავე თვეში ლეკვი მოკვდა. "ქალს ანტირაბიული დახმარებისთვის არ მიუმართავს, ხოლო ცოფის კლინიკური სურათის განვითარება 6 ივლისს დაიწყო, ამ დაავადებისთვის ტიპური კლინიკური ნიშნებით. შემთხვევა კი 2024 წლის 11 ივლისს დარეგისტრირდა, რომელიც იმავე დღეს დასრულდა ლეტალური გამოსავლით. პჯრ კვლევით დიაგნოზი ლაბორატორიულად დადასტურდა", - წერია სამინისტროს განცხადებაში. მათივე თქმით, მსგავსი ფაქტი, 2022 წლის ნოემბრის შემდეგ, წელს პირველად დაფიქსირდა. ჯანდაცვის სამინისტრო მოქალაქეებს მიმართავს, რომ ცოფის ვირუსით ინფიცირების შემთხვევაში ადამიანის გადარჩენის ერთადერთი გზა დროული ვაქცინაციაა. ადამიანებში ცოფის პროფილაქტიკის მიზნით, იმუნიზაციის სახელმწიფო პროგრამის ფარგლებში, ხდება მაღალეფექტური ბიოპრეპარატების (ვაქცინა და იმუნოგლობულინი) განაწილება მთელი ქვეყნის მასშტაბით. პროფილაქტიკა ხელმისაწვდომია ყველა მუნიციპალიტეტში. ...