ივანიშვილმა სიტყვით გამოსვლისას მადლობა გადაუხადა ჩინეთის ხელისუფლებას, რომელმაც, მისივე თქმით, საქართველოს მიმართ განსაკუთრებული მხარდაჭერა გამოხატა. ასევე ნახეთ მსახიობები, მომღერლები, სპორტსმენები, ტელეწამყვანები - ვინ ესწრებოდა „ოცნების“ ღონისძიებას "ხაზგასმით მინდა აღვნიშნო, რომ ჩინეთთან ჩვენი თანამშრომლობის გაღრმავება არ არის ალტერნატივა ამერიკის შეერთებულ შტატებთან და ევროკავშირთან თანამშრომლობისთვის. პირიქით, ეს არის შემავსებელი ფაქტორი იმ საერთო თანამშრომლობისთვის, რომელიც მომდევნო წლების განმავლობაში უნდა გაღრმავდეს. იმისათვის, რომ საქართველომ განავითაროს საკუთარი დამაკავშირებელი სავაჭრო-ეკონომიკური ფუნქცია, აუცილებელია თანამშრომლობა სავაჭრო-ეკონომიკური ურთიერთობების ორივე მხარესთან - დასავლეთთან და აღმოსავლეთთან", - განაცხადა ივანიშვილმა. ასევე ნახეთ „ეს თითქმის იმპერიული ამბიციაა“ - რა აინტერესებს ჩინეთს საქართველოში | ინტერვიუ 2024 წლის მაისში საქართველოს მთავრობამ ანაკლიის ღრმაწყლოვანი პორტის სტრატეგიული პროექტის 49%-იანი წილი ჩინეთის სახელმწიფო კონსორციუმს გადასცა. შერჩეულ ფირმას, რომელიც აშშ-ს სანქცირებული ჰყავს, მსოფლიოს არაერთ ქვეყანაში დარღვევებს ედავებიან და „სესხის ხაფანგის“ პოლიტიკის გამტარად მიიჩნევენ. 2023 წლის ზაფხულში ყოფილი პრემიერი ირაკლი ღარიბაშვილი და ჩინეთის პრეზიდენტი სი ძინპინი „სტრატეგიულ პარტნიორობაზე“ შეთანხმდნენ. ეს იყო დეკლარაციული ხასიათის შეთანხმება, როგორიც ჩინეთს არაერთ ქვეყანასთან აქვს, და რაიმე ოფიციალური დოკუმენტი არ გაფორმებულა. ასევე ნახეთ ჩინეთის ხაფანგში? - როგორ იცვლის საქართველო მეგობრებს  ასევე ნახეთ საქართველოს 6 პრობლემა ჩინეთთან სტრატეგიული პარტნიორობის შეთანხმებაში ...