იურიდიულ საკითხთა კომიტეტის სხდომაზე დადებითი შეფასების შემდეგ, პარლამენტის რიგგარეშე სესიის პლენარულ სხდომაზე 80 ხმით, ნულის წინააღმდეგ, გენერალურ პროკურორად გიორგი გაბიტაშვილი აირჩიეს. ის თანამდებობას ექვსი წლით დაიკავებს. კომიტეტის სხდომაზე გიორგი გაბიტაშვილმა თქვა, რომ მისი განსაკუთრებული პრიორიტეტია მსხვერპლი და მოწმე ბავშვების დაცვა, მათ შორის - სქესობრივი ძალადობისა და ექსპლუატაციისგან, პირადი ცხოვრების ამსახველი ინფორმაციის უკანონო მოპოვებისა და გავრცელებისგან. გიორგი გაბიტაშვილმა ილაპარაკა საქართველოს პროკურატურის მხრიდან მოქალაქეებთან და მედიასთან ურთიერთობის ღიაობის მნიშვნელობაზე. „მოქალაქეებთან და მედიასთან ურთიერთობის ღიაობა ერთ-ერთი პრიორიტეტი იქნება ჩემთვის, რა თქმა უნდა, გამოძიების ინტერესების გათვალისწინებით“, - აღნიშნა მან. ახალარჩეული გენერალური პროკურორი მიიჩნევს, რომ ამჟამად პროკურატურა პოლიტიკური გავლენებისგან სრულად თავისუფალია. გაბიტაშვილი ბოლო 11 წელია, გენერალური პროკურორის მოადგილის თანამდებობაზე მუშაობს. 18-წლიანი სამუშაო სტაჟის ნაწილი კი მან დააგროვა წინა ხელისუფლების დროს საგამოძიებო უწყებებში მუშაობისას: 2005-2007 წლებში იყო სტაჟიორი თბილისისა და მცხეთის პროკურატურებში; 2007-2010 წლებში ხელმძღვანელობდა შსს-ს ჩატარებულ გამოძიებებს ზედამხედველი პროკურორის რანგში; 2010-2011 წლებში იყო გორის რაიონული პროკურორი; 2011-2013 წლებში ხელმძღვანელობდა შსს-ს ჩატარებულ გამოძიებებს ზედამხედველი პროკურორის რანგში. გენერალური პროკურორის თანამდებობა ირაკლი შოთაძემ 23 მაისს დატოვა. „გირჩისა“ და „ევროპელი სოციალისტების“ გარდა, პარლამენტში ოპოზიციას ბოიკოტი აქვს გამოცხადებული. ხელისუფლების ოპონენტები ე.წ. აგენტების კანონის მიღების შემდეგ აღარ ესწრებიან სხდომებს. ასევე ნახეთ ვინ არიან გენერალური პროკურორობის კანდიდატები და რას ჰყვებოდნენ გასაუბრებაზე პარლამენტის თავმჯდომარის მიმართვის საფუძველზე, 18 ივლისს, 12:00 საათიდან, პრეზიდენტის მოწვევით პარლამენტის რიგგარეშე სესია დაიწყო. ის ორი დღის განმავლობაში იმუშავებს. დღის წესრიგის თანახმად, 19 ივლისს პარლამენტის იურიდიულ საკითხთა კომიტეტი იმსჯელებს „ამნისტიის შესახებ“ კანონპროექტზე და მას იმავე დღეს პლენარულ სხდომაზე პირველი მოსმენით უყრიან კენჭს. ამ კანონპროექტის საბოლოოდ მიღებას საპარლამენტო უმრავლესობა სექტემბერში გეგმავს. პარლამენტის საგაზაფხულო სესია 28 ივნისს დაიხურა, მე-10 მოწვევის პარლამენტში ბოლო საშემოდგომო სესია კი 3 სექტემბერს გაიხსნება. რეგლამენტის თანახმად, საპარლამენტო არჩევნების წელს, არჩევნებამდე ერთი თვის განმავლობაში, როგორც წესი, პარლამენტის პლენარული სხდომები არ იმართება. საქართველოში საპარლამენტო არჩევნები 26 ოქტომბერს გაიმართება. დეპუტატებს მხოლოდ პროპორცი...