უკრაინის პრეზიდენტმა ვოლოდიმირ ზელენსკიმ 18 ივლისს ევროპას უკრაინის მხარდაჭერის საქმეში ერთიანობისკენ მოუწოდა. ზელენსკი მონაწილეობს დიდ ბრიტანეთში მიმდინარე ევროპის ქვეყნების ლიდერების სამიტში. „ჩვენთვის ძალიან მნიშვნელოვანია ევროპაში ერთიანობის შენარჩუნება, რადგან ამ ერთიანობას ყოველთვის მოაქვს ხოლმე მტკიცე გადაწყვეტილებები“, - განაცხადა ზელენსკიმ შეხვედრის წინ. შეხვედრა იმართება ოქსფორდის მახლობლად, ბლენჰეიმის სასახლეში. უკრაინის პრეზიდენტი მოლაპარაკებებს გამართავს ევროპის პოლიტიკური გაერთიანების სამიტის მონაწილე დაახლოებით 45 ქვეყნის ლიდერებთან. ზელენსკიმ აღნიშნა, რომ დრო, როდესაც სამიტი მიმდინარეობს, უკრაინისთვის „მძიმე პერიოდია“ რუსეთთან ომში. მან თქვა, რომ სამიტის განმავლობაში ცალ-ცალკე შეხვდება ბრიტანეთის ახალ პრემიერ-მინისტრს, კირ სტარმერსა და მეფე ჩარლზ III-ს. ზელენსკის მოწოდება ერთიანობისკენ ალბათ გულისხმობს უნგრეთის პრემიერ-მინისტრის, ვიქტორ ორბანის პოზიციას და მის ბრიუსელთან შეუთანხმებელ ვიზიტებს რუსეთსა და ჩინეთში, რასაც ევროკავშირის კრიტიკა მოჰყვა. ვიქტორ ორბანი მოსკოვს "სამშვიდობო მისიის" ჩარჩოებში 5 ივლისს ეწვია. ის იმყოფებოდა ასევე კიევში, პეკინში და შეხვდა აშშ-ის ყოფილ პრეზიდენტს, დონალდ ტრამპს. ბლენჰეიმში ჩასვლისას, ჟურნალისტების შეკითხვას, როგორია უკრაინისადმი მისი გზავნილი, ორბანმა ინგლისურად უპასუხა: „ჩვენ თქვენთან ვართ“. მან იქვე დასძინა: "გამოსავლის მოძებნა ბრძოლის ველზე შეუძლებელია. გამოსავალი ბრძოლის ველზე არ არის". ასევე ნახეთ წმინდა ინგლისური ევროპული პოლიტიკის სამიტი ასევე ნახეთ ევროპარლამენტმა რუსეთში სტუმრობისთვის დაგმო უნგრეთის პრემიერ-მინისტრი ორბანი ...