19 ივლისის ღამეს, ერთი ადამიანი ემსხვერპლა თელ-ავივის ცენტრში, აშშ-ის საელჩოს შენობიდან რამდენიმე ათეულ მეტრში, დრონის აფეთქებას. სასწრაფო დახმარების სამსახურის განცხადებით, კიდევ რვა ადამიანი დაშავდა, მათგან ოთხს ჭრილობა მიღებული აქვს ნამსხვრევების შედეგად. დაღუპული 50 წლის მამაკაცია. გამოცემა “ტაიმს ოფ ისრაელის” ( Times Of Israel) თანახმად, მისი ცხედარი საგანგებო სიტუაციების სამსახურმა აფეთქების ადგილთან ახლოს აღმოაჩინა. три ისრაელის თავდაცვის ძალებმა (IDF) განაცხადეს, რომ ქალაქში აფეთქება გამოწვეული იყო "საჰაერო სამიზნის დაცემით". იყო თუ არა ის ჩამოგდებული, ოფიციალურ ცნობაში მითითებული არ არის. პასუხისმგებლობა თავდასხმაზე იემენელმა ჰუთებმა აიღეს. თავდასხმის დროს გამოიყენეს ახალი დრონი სახელწოდებით “იაფო", განაცხადა ექსტრემისტების წარმომადგენელმა, რომელმაც დასძინა, რომ ჰუთები გააგრძელებენ ისრაელზე თავდასხმას ღაზის სექტორში პალესტინელების სოლიდარობის ნიშნად. შემთხვევის ადგილიდან გადაღებული ფოტოების მიხედვით, თავდასხმა “როტაქსის” (Rotax) ძრავიანმა, სავარაუდოდ, ირანული წარმოების დრონმა განახორციელა. მოგვიანებით, ისრაელის სამხედროებმა განმარტეს, რომ დრონი იდენტიფიცირებული იყო, მაგრამ ადამიანური შეცდომის გამო, საჰაერო თავდაცვის ძალები არ ამოქმედდნენ და, შესაბამისად, არ ისმოდა საჰაერო განგაშის ხმა. წინასწარი მონაცემებით, დრონი სამხრეთის მიმართულებიდან შეფრინდა, რაც ადასტურებს ვარაუდს, რომ იგი “ჰუთებმა” გაუშვეს. ასევე ნახეთ აშშ-მა და ბრიტანეთმა სანქციები დაუწესეს იემენელი ჰუთების ხელმძღვანელობას ჰუთები, რომლებიც იემენის ტერიტორიის მნიშვნელოვან ნაწილს, მათ შორის დედაქალაქ სანას, აკონტროლებენ, მტრად მიიჩნევენ ისრაელს, აშშ-სა და საუდის არაბეთს. ...