საქართველოს მოქალაქეების 69% რუსეთს მიიჩნევს თავისი ქვეყნის მთავარ მტრად. ეს აჩვენა „კავკასიის ბარომეტრის“ 2024 წლის კვლევამ, რომლის შედეგები CRRC-საქართველომ გამოაქვეყნა. ამასთან ეს მაჩვენებელი ყოველწლიურად იზრდება: 2021 წლის ანალოგიურ კვლევაში საქართველოს მთავარ მტრად რუსეთს მიიჩნევდა გამოკითხულთა 66%, 2019 წელს - 49%, 2017 წელს - 40%, ხოლო 2012 წელს - 35%. три გამოკითხულთა მხოლოდ 4%-მა დაასახელა შეერთებული შტატები საქართველოს მთავარ მტრად, ხოლო 2%-მა - თურქეთი. 2024 წლის კავკასიის ბარომეტრის კვლევის მიხედვით, საქართველოს მთავარი მეგობარი ამერიკის შეერთებული შტატებია. ასე ფიქრობს გამოკითხულთა 24%. მეორე ადგილზეა აზერბაიჯანი - 8%, მესამეზე კი უკრაინა 7%-ით. შემდეგ მოდიან: თურქეთი, გერმანია, სომხეთი. რუსეთს საქართველოს მეგობრად მიიჩნევს გამოკითხულთა 2%. გამოკითხულთა მეოთხედზე მეტი (26%) დარწმუნებულია, რომ საქართველოს მეგობრები საერთოდ არ ჰყავს. კავკასიის ბარომეტრი (CB) არის ეროვნული კვლევა, რომელიც რეგულარულად ტარდება 2008 წლიდან სოციალურ, კულტურულ, ეკონომიკურ და პოლიტიკურ საკითხებზე. პრეზენტაცია შეეხება ბოლო წლების ახალ და დამკვიდრებულ ტენდენციებსა და დამოკიდებულებებს საქართველოში. გამოკითხვა ჩატარდა პირისპირი ინტერვიუების სახით 2024 წლის 16 აპრილიდან 13 მაისამდე, მთელი საქართველოს მასშტაბით, გარდა თვითგამოცხადებული აფხაზეთისა და სამხრეთ ოსეთის რესპუბლიკებისა. სულ გამოიკითხა 1509 ადამიანი, მათ შორის ეთნიკური უმცირესობებით მჭიდროდ დასახლებულ რეგიონებში. კვლევა ქართულ, სომხურ და აზერბაიჯანულ ენებზე ჩატარდა. ...