ამერიკის შეერთებული შტატების პრეზიდენტობის კანდიდატმა, რესპუბლიკელმა დონალდ ტრამპმა, მასზე მკვლელობის მცდელობით თავდასხმის შემდეგ, პირველი წინასაარჩევნო შეხვედრა გამართა. ის მიჩიგანის შტატის ქალაქ გრანდ-რაპიდსში მოეწყო. ტრამპმა განაცხადა, რომ ის არ შეიძლება წარმოადგენდეს საფრთხეს დემოკრატიისთვის, როგორც ამას მისი კრიტიკოსები ამტკიცებენ. "ისინი კვლავ იმეორებენ, რომ საფრთხეს წარმოვადგენ დემოკრატიისთვის. მე კი ვეკითხები [მათ], რა გავაკეთე მე დემოკრატიისთვის? გასულ კვირას მე ტყვია მივიღე დემოკრატიისთვის", - თქვა აშშ-ის ყოფილმა პრეზიდენტმა. მიტინგზე გამოსვლისას, ტრამპს სახვევის ნაცვლად ყურზე, რომელიც ტყვიამ დაუზიანა, პლასტირი ჰქონდა. ყოფილმა პრეზიდენტმა ისიც თქვა, რომ მასზე თავდასხმის შემდეგ, მას მისწერა ჩინეთის პრეზიდენტმა, სი ძინპინმა, რომელსაც მან “შესანიშნავი ბიჭი” უწოდა. მან დასძინა, რომ იგივე გააკეთა ლიდერების უმრავლესობამ და რომ ეს მისთვის სასიამოვნო იყო. პოლიტიკოსები ტრამპს არ დაუსახელებია. ამას გარდა, ტრამპმა განაცხადა, რომ საპრეზიდენტო არჩევნებში გამარჯვების შემთხვევაში, ის უკრაინის კონფლიქტს თავის ინაუგურაციამდე მოაგვარებს. "მე ერთადერთი ვარ, რომელსაც შეუძლია გააკეთოს ეს განცხადება: მე თავიდან ავიცილებ მესამე მსოფლიო ომს", - დასძინა აშშ-ის პრეზიდენტობის კანდიდატმა. ტრამპზე თავდასხმა მოხდა პენსილვანიაში გამართულ მიტინგზე. ერთ-ერთი ტყვია მას ყურზე მოხვდა. დაიღუპა ღონისძიების ერთი წევრი, ხოლო ორი ადამიანი დაშავდა. 20 წლის მსროლელი, თომას მეტიუ კრუქსი, აშშ-ის საიდუმლო სამსახურის თანამშრომლებმა მოკლეს. ეს სამსახური სახელმწიფოს პირველ პირებს იცავს. ეს ამერიკელ ლიდერზე თავდასხმის პირველი შემთხვევა იყო 1981 წლიდან, როცა პრეზიდენტ რონალდ რეიგანს დაესხნენ თავს. The New York Times-ის წყაროების თქმით, საიდუმლო სამსახურმა აღიარა, რომ ორი წლის განმავლობაში ის უარით უპასუხებდა მოთხოვნებს ტრამპის დაცვის გაძლიერების შესახებ. ასევე ნახეთ ჯეი დი ვანსმა ვიცე-პრეზიდენტობის კანდიდატობაზე ოფიციალური თანხმობა განაცხადა ასევე ნახეთ Reuters: ტრამპზე თავდასხმამ ბაიდენის საარჩევნო სტრატეგია შეცვალა ...