რადიო თავისუფლების უკრაინული სამსახურის ცნობით, ორმხრივი თანამშრომლობის სხვადასხვა საკითხს შორის, მხარეები იმსჯელებენ უკრაინის წინააღმდეგ რუსეთის ფართომასშტაბიან ომზეც. “განხილვის მთავარი თემა იქნება რუსეთის აგრესიის შეჩერების გზების ძიება და ჩინეთის შესაძლო როლი მდგრადი და სამართლიანი მშვიდობის მიღწევაში", - ნათქვამია უკრაინის საგარეო საქმეთა სამინისტროს განცხადებაში. გასულ კვირას, დიდ ბრიტანეთში ყოფნისას, უკრაინის პრეზიდენტმა ვოლოდიმირ ზელენსკიმ განაცხადა, რომ მთელმა მსოფლიომ უნდა მოახდინოს ზეწოლა რუსეთზე, რათა დაარწმუნოს, რომ დაჯდეს მოლაპარაკებების მაგიდასთან და განიხილოს ომის დასრულება. "ეს არ ნიშნავს, რომ ყველა ტერიტორია ძალით უნდა დაბრუნდეს. ვფიქრობ, დიპლომატიის ძალას შეუძლია დახმარება", - განაცხადა მან და დასძინა, რომ რაც უფრო სუსტია რუსეთი ბრძოლის ველზე, მით უფრო ძლიერია უკრაინის პოზიცია მოლაპარაკებების მაგიდასთან. ასევე ნახეთ ზელენსკი: თუ დასავლეთი ისევ ძლიერი იქნება, ომის „ცხელი ფაზა“ შესაძლოა წლის ბოლომდე დასრულდეს ნატოს გენერალურმა მდივანმა იენს სტოლტენბერგმა 17 ივნისს განაცხადა, რომ ჩინეთი რუსეთს აწვდის ტექნოლოგიას, რაც ახანგრძლივებს რუსეთის სრულმასშტაბიან შეჭრას უკრაინაში, და მოუწოდა პეკინს, პასუხი აგოს ამ მხარდაჭერის შედეგებისთვის. ასევე ნახეთ სტოლტენბერგს სურს, ჩინეთმა პასუხი აგოს რუსეთის მხარდაჭერისთვის ასევე ნახეთ ზელენსკის თქმით, აშშ-მა და ჩინეთმა მშვიდობისთვის გვერდზე უნდა გადადონ უთანხმოება ...