მსოფლიოს საჰაერო ტრანსპორტის ერთ-ერთი უდიდესი კვანძი, მაინის ფრანკფურტის აეროპორტი, იძულებული გახდა გადაედო 140-მდე ავიარეისი აქციის გამო, რომელიც ბუნების დაცვის ჯგუფმა „ბოლო თაობამ“ წიაღისეული საწვავის გამოყენების წინააღმდეგ მოაწყო. აეროპორტის ხელმძღვანელობის თანახმად, 1400 რეისიდან გადაიდო 140, რომლებიც 25 ივლისისთვის იყო დაგეგმილი. არსებული ცნობით, აეროპორტის მუშაობა აღდგენილია. ყველა აქტივისტი დააკავეს სისხლის სამართლის ბრალდებით, აეროპორტის მუშაობაში ჩარევისთვის. „ბოლო თაობის“ რვა აქტივისტმა მოახერხა დილით საფრენ ბილიკზე შეღწევა მას მერე, რაც გაარღვიეს მავთულიანი ღობე. აქციის შვიდმა მონაწილემ თავი მიიკრა ასფალტზე, ხოლო მერვე - ღობის მავთულს ვერ გასცდა. ფრანკფურტის აეროპორტის აქცია გლობალური პროტესტის, „ნავთობი კლავს!“ ჩარჩოებში გაიმართა. მისი მონაწილეები ხელისუფლებისგან მოითხოვენ, დაიდოს გლობალური შეთანხმება 2030 წლისთვის ნავთობზე, გაზსა და ქვანახშირზე უარის თქმის შესახებ. საპროტესტო აქციის მონაწილეები ამტკიცებენ, რომ ყველა ღონეს ხმარობენ, რათა მათმა ქმედებამ საფრთხე არ შეუქმნას მგზავრების უსაფრთხოებას და არ გადიან საფრენ ბილიკებზე. მედია იტყობინება, რომ საფრენი ბილიკები დაზიანდა, მაგრამ ისიც ცნობილია, რომ, სულ მცირე, ოთხი აქტივისტი გზას მიეკრა საფრენი ბილიკების მოშორებით. ბუნების დამცველების ორგანიზაციის, „ბოლო თაობის“ აქტივისტები მთავრობებისგან კლიმატის ცვლილებით გამოწვეული ანომალიების შესაჩერებლად ნაბიჯების გადადგმას მოითხოვენ. ისინი თავიანთ პროტესტს სხვადასხვა ფორმით გამოხატავენ - მაგალითად, ისვამენ წებოს ან მსგავს საშუალებას და ეკვრებიან ხოლმე ხელოვნების ნიმუშებს, შენობების შესასვლელებსა და გზებს. ასევე ნახეთ მეექვსედაც გადავშენდებით? - გლობალური კატასტროფის პროგნოზი ასევე ნახეთ სამ კონტინენტზე მილიონობით ადამიანია შეწუხებული ჰაერის ტემპერატურის მკვეთრი მატებით Embed share კლიმატის ცვლილება და აგრიკულტურა - ფენოვანი 2.30 Embed share The code has been copied to your clipboard. width px height px Facebook-ზე გაზიარება Twitter-ზე გაზიარება The URL has been copied to your clipboard No media source currently available 0:00 0:41:47 0:00 ...