WSJ-მა გამოაქვეყნა სტატია, რომლის ავტორები, აშშ-ის ყოფილი სახელმწიფო მდივანი დონალდ ტრამპის პრეზიდენტობის პერიოდში მაიკ პომპეო, რომელსაც ცენტრალური სადაზვერვო სამმართველოს (CIA) დირექტორის პოსტიც ეკავა, და BGR Group-ის მმართველი დირექტორი და Torridon Law-ის მრჩეველი, დევიდ ჯეი ურბანი არიან. ტრამპის „სამშვიდობო გეგმის“, რომელზეც წერენ პომპეო და ურბანი, მთავარი თემებია „ლენდ-ლიზის“ პროგრამა უკრაინისთვის, რუსეთის მიმართ რეალური სანქციები და ნატოს აღორძინება. ავტორები წერილის შესავალში წერენ, რომ ექსპერტების მოსაზრებით, თუ დონალდ ტრამპს კვლავ აირჩევენ, ის უკრაინას შეუწყვეტს აშშ-ის დახმარებას, ვლადიმირ პუტინს დაუთმობს მის ტერიტორიას და პირდაპირ მოელაპარაკება მას, რათა ქვეყანას თავს მოახვიოს სამარცხვინო „მშვიდობა“. ასევე ნახეთ ტრამპმა და ზელენსკიმ ტელეფონით ისაუბრეს ვერავინ ამტკიცებს, წერენ ისინი, რომ უკრაინის ამგვარი კაპიტულაცია გახდება ტრამპის პოლიტიკის ნაწილი, საპირისპიროს კი ბევრი რამ ადასტურებს. „სწორედ ბატონმა ტრამპმა გააუქმა ობამას ადმინისტრაციის ემბარგო უკრაინისთვის იარაღის მიწოდებაზე, და უკრაინამ მიიღო Javelin-ის ტიპის რაკეტები, რომლებიც კიევს დაეხმარა რუსეთის შეჭრის პირველ დღეებში“, - იხსენებენ სტატიის ავტორები და აცხადებენ, რომ კარგი პროგრამა და კარგი პოლიტიკაა, თუ უკრაინისთვის დახმარებასთან ერთად აღორძინდება აშშ-ის სამხედრო-სამრეწველო ბაზები ალაბამაში, პენსილვანიასა და ვირჯინიაში. პომპეო და ურბანი WSJ-ში გამოქვეყნებულ სტატიაში აშშ-ის პრეზიდენტ ჯო ბაიდენის მიმართ კრიტიკულ მოსაზრებას გამოთქვამენ და წერენ, რომ „ბაიდენის ადმინისტრაციის სისუსტემ მოიტანა ის, რომ უკრაინა იქ აღმოჩნდა, სადაც ახლაა: ორი წელიწადი სრულმასშტაბიანი ომი, დანგრეული ქალაქები, ასეულათასობით დაღუპული, მილიონობით ლტოლვილი, და გამარჯვების სახსრების უქონლობა. თეთრ სახლს არ აქვს გამარჯვების სტრატეგია და ამერიკელები სამართლიანად არიან შეშფოთებული“, - თვლიან ისინი და მოჰყავთ რამდენიმე პუნქტი, რომლებიც, მათი სიტყვებით, ტრამპის „უკრაინაში წარმატებული გეგმის“ ნაწილი შეიძლება იყოს. ურბანის და პომპეოს თანახმად, თუ ჯო ბაიდენი ომში ჩაერთო სისუსტის გამო, დონალდ ტრამპი მშვიდობას აღადგენს ძალის წყალობით. ტრამპის შესაძლო გეგმით, „პუტინის ომის დანაშაულების ბიუჯეტის“ შემცირების მიღწევა უნდა მოხდეს ამერიკის ენერგეტიკული პოტენციალის გამოთავისუფლებით. სხვათა შორის, ენერგეტიკას უკავშირდება შემდეგი პუნქტიც, რომლის მიხედვით, უნდა გაძლიერდეს კავშირები საუდის არაბეთსა და ისრაელთან ირანის წინააღმდეგ, რაც ახლო აღმოსავლეთში სტაბილიზაციას მოიტანს, შეარბილებს ღაზის კრიზისს და საუდის არაბეთს მისცემს შესაძლებლობას შეავიწროონ რუსეთი მსოფლიო ეკონომიკურ ბაზარზე. იქვე „სამშვიდობო გეგმაში“ შეფასებულია ბა...