გერმანიამ განაცხადა, რომ არ აშინებს რუსეთის პრეზიდენტ ვლადიმირ პუტინის მუქარა. პუტინმა გუშინ განაცხადა, რომ რუსეთმა შესაძლოა განაახლოს საშუალო სიშორის ბირთვული იარაღის წარმოება, თუკი აშშ მართლაც დააპირებს ევროპაში რაკეტების განლაგებას. „ასეთი განცხადებები ვერ შეგვაშინებს“, - თქვა ორშაბათს გერმანიის საგარეო საქმეთა სამინისტროს ოფიციალურმა წარმომადგენელმა სებასტიან ფიშერმა პრესკონფერენციაზე. აშშ-მა და გერმანიამ ივლისში განაცხადეს, რომ 2026 წლიდან დაიწყებენ გერმანიაში შორი მოქმედების საიერიშო საშუალებების განლაგებას. ამ ნაბიჯის მიზანია, წარმოაჩინოს ნატოსა და ევროპის თავდაცვისადმი ერთგულება. ასევე ნახეთ პუტინი დაიმუქრა, რომ საშუალო რადიუსის ბირთვული რაკეტების წარმოებას განაახლებს კვირას სანქტ-პეტერბურგში გამართულ საზღვაო აღლუმზე პუტინმა განახადა, რომ თავისი მოქმედებებით აშშ მიდის რისკზე, რომ ცივი ომის სულისკვეთების ახალი სარაკეტო კრიზისის პროვოცირება მოახდინოს. „თუკი აშშ ასეთ გეგმებს განახორციელებს, ჩვენ მივიჩნევთ, რომ თავისუფალი ვართ ცალმხრივი მორატორიუმისგან, რომელიც ადრე დავაწესეთ საშუალო და მცირე სიშორის შემტევ საშუალებებზე“, - თქვა პუტინმა 28 ივლისს. ...