თეირანში, ისლამური რესპუბლიკის მეჯლისის შენობაში, ირანის ახალი პრეზიდენტის ინაუგურაცია გაიმართა. მასუდ ფეზეშქიანმა ღონისძიების მონაწილეებს სიტყვით მიმართა და საგარეო პოლიტიკის პრიორიტეტად მეზობელ ქვეყნებთან ურთიერთობების გაუმჯობესება და განმტკიცება დაასახელა. ირანის პრეზიდენტი თავის გამოსვლაში შეეხო ღაზის სექტორში მიმდინარე ისრაელის სამხედრო ოპერაციებსა და დაბომბვებს. „ჩვენ გვინდა სამყარო, რომელშიც პალესტინის ამაყი ხალხი გათავისუფლებულია ოკუპაციის, ჩაგვრის, პატიმრობისა და გენოციდისგან, სადაც არცერთი პალესტინელი ბავშვის ოცნება არ არის დამარხული მათი მამის სახლის ნანგრევებში“, - თქვა ფეზეშქიანმა. „როიტერის“ ცნობით, ირანის პრეზიდენტმა დასავლეთის ქვეყნებს მოუწოდა, გააცნობიერონ რეალობა და დაამყარონ ურთიერთობები ურთიერთპატივისცემისა და თანასწორობის საფუძველზე. მან თქვა, რომ ისინი მზად არიან, გაუმკლავდნენ არსებულ დაძაბულობას და გამართონ დიალოგი მთავრობებთან, რომლებიც ჯერ არ იღებენ მხედველობაში ირანის ღირსებასა და მდგომარეობას. ინაუგურაციაზე მიწვეულ სტუმრებს შორის იყო საქართველოს პრემიერ-მინისტრი ირაკლი კობახიძე. ასევე ნახეთ ირაკლი კობახიძე ირანის ახალი პრეზიდენტის ინაუგურაციას დაესწრო ასევე ნახეთ ფიცი დადო ირანის ახალმა პრეზიდენტმა მასუდ ფეზეშქიანმა ირანის ახალი პრეზიდენტი რიგგარეშე არჩევნებით აირჩიეს, მოქმედი პრეზიდენტის, ებრაჰიმ რაისის ავიაკატასტროფაში დაღუპვის გამო. საქართველოს პრემიერ-მინისტრი ირაკლი კობახიძე ირანის ისლამური რესპუბლიკის პრეზიდენტის, ებრაჰიმ რაისის დაკრძალვის ცერემონიაზე დასასწრებად თეირანში 22 მაისს ჩავიდა. ასევე ნახეთ პრემიერი კობახიძე ირანის პრეზიდენტის დაკრძალვის ცერემონიაზე დასასწრებად თეირანში ჩავიდა ...