შაბათს, სამ აგვისტოს აბიტურიენტებისათვის 2024 წლის ერთიანი ეროვნული გამოცდების პირველადი შედეგების გამოქვეყნება დაიწყო. შეფასებისა და გამოცდების ეროვნული ცენტრი იუწყება, რომ შედეგების გამოქვეყნება დაიწყო ქართული ენისა და ლიტერატურისა და ოსურის ენის გამოცდების პირველადი შედეგების გამოქვეყნებით. აბიტურიენტებისათვის შედეგების გასაგებად ინსტრუქცია ასეთია: აბიტურიენტი უნდა შევიდეს ვებგვერდზე - https://online.naec.ge/defonline/entrantdefault , შესაბამის ველში კი მიუთითოს პირადი ნომერი მიუთითოს ხუთნიშნა პაროლი. ქართული ენისა და ლიტერატურის, ასევე ოსური ენის ტესტის მაქსიმალური ქულაა 60, მინიმალური გამსვლელი ქულა კი - 15 ქულაზე მეტი. naec.ge-ის ცნობით, შედეგების გამოქვეყნება 5 აგვისტოდან უცხოური ენის შედეგით განახლდება. შეფასებისა და გამოცდების ეროვნული ცენტრი ეტაპობრივად, ნაშრომების გასწორების დასრულებისთანავე გამოაქვეყნებს აბიტურიენტთა პირველად შედეგებს სხვა საგამოცდო საგნებშიც. ერთიანი ეროვნული გამოცდები საქართველოში მე-19 წელია, ტარდება. ასევე ნახეთ „ხან სასწორი მიმაქვს ჩანთით სკოლაში, ხან ფინჯნები“ - რას აჩვენებს ეროვნული გამოცდების შედეგები? ...