2023 წლის დეკემბერში რუსეთის მოქალაქემ, ჩეჩნეთის მკვიდრმა, თავის 15 წლის თანამზრახველთან ერთად, გერმანელი გამომძიებლების თქმით, დაგეგმა ტერორისტული თავდასხმა საშობაო ბაზრობაზე ჩრდილოეთ რაინ-ვესტფალიაში. ჩეჩნეთის მკვიდრი, ცხოვრობდა ქალაქ ვიტსტოკში, აღმოსავლეთ გერმანიაში. ქალაქ ნოირუპინის სასამართლომ არასრულწლოვან ბრალდებულს 21 წლამდე ასაკის პირთა დასჯის ნორმების შესაბამისად ოთხი წლით თავისუფლების აღკვეთა მიუსაჯა. ჩეჩნის თანამზრახველს იგივე სასჯელი რამდენიმე კვირის წინ მიესაჯა. ბრალდებული ჩეჩენი დაეთანხმა თავის თანამზრახველს, რომ მოეძებნა სატვირთო მანქანა, რათა "რაც შეიძლება მეტი ადამიანი გაენადგურებინათ" დასავლეთ გერმანიის ქალაქ ლევერკუზენის საშობაო ბაზრობაზე, - განუცხადა სასამართლოს წარმომადგენელმა საინფორმაციო სააგენტოს DPA-ს "დაგეგმილი იყო დანით თავდასხმა ბაზრობის იმ დამთვალიერებლებზე, რომლებიც სატვირთო მანქანით გადავლას გადაურჩებოდნენ", - აღნიშნა სასამართლოს წარმომადგენელმა. არასრულწლოვანი ეჭვმიტანილები გასული წლის ბოლოს დააკავეს, მას შემდეგ რაც მათი გეგმები პოლიციისთვის გახდა ცნობილი. დაპატიმრებულთა ასაკის გათვალისწინებით, სასამართლო პროცესი - გერმანიის კანონის შესაბამისად, პრესის წარმომადგენელთა დასწრების გარეშე მიმდინარეობდა, განაჩენი კიდევ შეიძლება გასაჩივრდეს. ...