"დადასტურებული ინფორმაციის თანახმად, უკრაინის სარაკეტო ძალების დანაყოფებმა უკრაინის შეიარაღებული ძალების საზღვაო ძალების დანაყოფებთან ერთად მნიშვნელოვნად დააზიანეს საზენიტო-სარაკეტო დანადგარი „ტრიუმფი", - ნათქვამია უკრაინის გენერალური შტაბის ტელეგრამის არხზე. უკრაინის სარდლობა ასევე აცხადებს, რომ ანექსირებული სევასტოპოლის პორტში "წარმატებით განხორციელდა დარტყმა" რუსეთის შავი ზღვის ფლოტის წყალქვეშ ნავ „დონის როსტოვზე“, რომელიც მიღებული დაზიანების შედეგად ადგილზე ჩაიძირა. უკრაინელი სამხედროები ზუსტად არ აკონკრეტებენ, თუ როდის მოხდა ეს, მაგრამ სევასტოპოლზე ბოლო სარაკეტო თავდასხმა, ორივე მხარის ინფორმაციით, 2 აგვისტოს ღამით განხორციელდა. რუსეთის მიერ დანიშნული სევასტოპოლის საოკუპაციო ხელისუფლება იტყობინება, რომ ყირიმში პარასკევს ღამით, საჰაერო თავდაცვის სისტემებმა მოიგერიეს მასიური საჰაერო თავდასხმა. ანექსირებული სევასტოპოლის გუბერნატორ მიხეილ რაზვოჟაევის თანახმად, ჩამოგდებული უკრაინული დრონებისა და ATACMS-ის რაკეტების ფრაგმენტები ქალაქის სხვადასხვა ნაწილში საცხოვრებელი კორპუსების მახლობლად დაეცა. მოსკოვი თავისი სამხედრო ტექნიკისა და ცოცხალი ძალის დანაკარგების შესახებ ცნობებს არ გასცემს. ცოტა ხნის წინ უკრაინამ გაავრცელა ინფორმაცია, რომ შავი ზღვის აკვატორიაში სწავლების მიზნით სამი რუსული წყალქვეშა ნავის ყოფნის შესახებ. ასევე ნახეთ დიდი საზღვაო მანევრები შავი ზღვის გარეთ და წყალქვეშა გემები შავ ზღვაში ბრძოლა შავი ზღვისთვის. როგორ ცდილობს რუსეთი შავი ზღვიდან ამერიკული ავიაციის განდევნას როგორ იქცა ყირიმი რუსეთის შავი ზღვის ფლოტის "სასაფლაოდ" როდის და რამდენი სამხედრო გემი დაკარგა რუსეთმა უკრაინასთან ომში? რა ვიცით ხომალდ "ცეზარ კუნიკოვზე", რომელიც უკრაინის მტკიცებით შავ ზღვაში ჩაძირეს? როგორ მოხვდა რუსული ხომალდი ოჩამჩირის პორტში: დეტალები და რისკები ...