იტალიის კუნძულ სიცილიაზე მდებარე კატანია ფონტანაროსის აეროპორტმა ვულკან ეტნის ამოფრქვევის გამო ფრენების მიღება 4 აგვისტოდან დღეში ექვსამდე შეზღუდა. როგორც გაზეთი Giornale di Sicilia წერს, ვულკანური ფერფლის ღრუბელი 10 კილომეტრის სიმაღლეზე ავიდა. ვულკანის ამოფრქვევის ყველაზე ძლიერი, პაროქსიზმული ფაზა 4 აგვისტოს ღამით დაიწყო. ლავის შადრევანი იფრქვეოდა ვორაგინის კრატერიდან, ფერფლი ვრცელდებოდა სამხრეთ-აღმოსავლეთის მიმართულებით და ეფინებოდა დასახლებულ პუნქტებს და ვულკანის ძირში მდებარე ფერდობებს. renderExternalContent("https://www.youtube.com/embed/O3AwIzG25zY?&&&fs=1&enablejsapi=1") კატანიის მერმა ენრიკო ტრანტინომ ორი დღის განმავლობაში აკრძალა ორბორბლიანი ტრანსპორტის მოძრაობა და შეზღუდა მანქანების სიჩქარე (საათში ოცდაათი კილომეტრი) რეგიონში, რომელიც მოიცავს თავად ქალაქს და მის გარშემო მდებარე 57 სხვა მუნიციპალიტეტს. 3357 მეტრი სიმაღლის ეტნა მოქმედი ვულკანია იტალიაში, კუნძულ სიცილიაზე. იგი ითვლება ამჟამად ყველაზე მაღალ და ყველაზე აქტიურ ვულკანად ევროპაში. საინფორმაციო სააგენტო ANSA-ს ცნობით, ეს არის ასეთი ძალის მეხუთე ამოფრქვევა გასული წლის ივლისის შემდეგ. ...