28 მაისს, როცა საერთაშორისო პარტნიორების მოწოდების მიუხედავად, პარლამენტმა „აგენტების კანონზე“ ვეტო დაძლია და დეპუტატებმა საკანონმდებლო ორგანოს დატოვება დაიწყეს, მათ ერთ-ერთმა აქტივისტმა ქუჩაში მონა დაუძახა. ამ დროს გაბრაზებული დეპუტატი ჯაფარიძე ავტომობილიდან გადმოვიდა, გეგუჩიას და მისი ცოლის მაღაზიის გარე დახლიდან ფორთოხალი აიღო და ამ მოქალაქეს ესროლა. მომდევნო დღეს, უმრავლესობის დეპუტატი მარკეტში ბოდიშის მოსახდელად და ზარალის ასანაზღაურებლად დაბრუნდა. პასუხად, მას მაღაზიის მფლობელებმა უთხრეს: „ფორთოხალი პრობლემა არ არის, თქვენ მომავალი წაგვართვით“. три რამდენიმე დღეში, 31 მაისს, სამეგრელოში ვიტალი გეგუჩიას სახლთან მივიდნენ ვიქტორ ჯაფარიძის კუთვნილი ტელევიზიის, PosTV-ის, ​ჟურნალისტი ნათია ბერიძე და ოპერატორი. მათთან კომუნიკაციას ვიტალი გეგუჩიას ცოლი მობილური ტელეფონით იღებდა. ჩანაწერის მიხედვით, ნათია ბერიძე ვიტალი გუგუჩიას ეუბნება: „[...] ხელის ბიჭი ხარ“, - რაზეც გუგუჩია პასუხობს: „რუსების პრობლემა იცი რა არის, საკუთარ სიტყვაზე პასუხს არ აგებენ. ამბობ სისულელეს, რომლის დამტკიცების სურვილიც არ გაქვს, ტროლი ხარ“. ამის შემდეგ გეგუჩია ბერიძეს და მის ოპერატორს აგინებს და ტერიტორიის დატოვებისკენ მოუწოდებს. სიტყვიერი დაპირისპირებისას, PosTV-ის ოპერატორი ვიტალი გეგუჩიას მიმართავს: „მოდი აქ“, რის შემდეგაც ისმის გინება და ფიზიკური დაპირისპირება იწყება. კადრებში ჩანს, რომ ოპერატორი გეგუჩიასა და მისი ოჯახის წევრებისთვის ფიზიკური შეურაცხყოფის მიყენებას ცდილობს - იგი ახტა და ფეხი ჩაარტყა ადამიანს. ასევე ნახეთ POSTV-ის გადამღები ჯგუფის მიმართ ჟურნალისტური საქმიანობის ხელშეშლის საქმეზე გამოძიება დაიწყო ვიტალი გეგუჩიას წინააღმდეგ სისხლის სამართლის საქმის აღძვრას მირანადა ჯობავა უკავშირებს 29 მაისს მათ კუთვნილ მაღაზიაში მომხდარ ინციდენტს. „შეთითხნულია ეს საქმე. ჩვენს მაღაზიაში მომხდარ ინციდენტს ვუკავშირებთ, რადგან ეს ვიქტორ ჯაფარიძის ტელევიზიაა“, - უთხრა რადიო თავისუფლებას მირანდა ჯობავამ. ვიტალი გეგუჩიას წინააღმდეგ საქმე აღძრულია სისხლის სამართლის კოდექსის 154-ე მუხლით. ჟურნალისტისთვის პროფესიულ საქმიანობაში ხელშეშლა ისჯება საზოგადოებისთვის სასარგებლო შრომით, ანდა ორ წლამდე შინაპატიმრობით. ...