ირანი აცხადებს, რომ ისრაელის დასჯა თავიდან აგვაცილებს შემდგომ არასტაბილურობას ახლო აღმოსავლეთში, მაგრამ არ სურს უფრო დაძაბოს ვითარება, რომელიც ისედაც მწვავეა ჰამასის (აშშ-ის და ევროკავშირის მიერ აღიარებულია ტერორისტულ დაჯგუფებად) პოლიტიკური მეთაურის, ისმაილ ჰანიეს თეირანში მოკვლის შემდეგ. შიში, რომ ღაზის სექტორში ომი შეიძლება უფრო ფართო რეგიონულ ომში გადაიზარდოს, გაძლიერდა, რადგან ირანმა და მისი24ბ6ჰ მოკავშირე ლიბანის ჰეზბოლამ, რომელსაც ვაშინგტონი ასევე ტერორისტულ დაჯგუფებად მიიჩნევს, პირობა დადეს, რომ შურს იძიებენ ბეირუთსა და თეირანში მომხდარი სისხლიანი თავდასხმებისთვის, რომლებშიც ირანი ისრაელს ადანაშაულებს. ისრაელის პრემიერ-მინისტრმა ბენიამინ ნეთანიაჰუმ გააფრთხილა ირანი და მისი მოკავშირეები თავის ქვეყანაზე თავდასხმის შესახებ და თქვა, რომ ისრაელი უკვე იმყოფება „ირანის ბოროტების ღერძის წინააღმდეგ მრავალფრონტიანი ომის“ მდგომარეობაში. „ვფიქრობთ, რომ ირანს აქვს უფლება, დასაჯოს აგრესორი საერთაშორისო სამართლის ჩარჩოებში. ირანი გარკვეულად და გადაჭრით მიმართავს სერიოზულ და შემაკავებელ ზომებს და საერთაშორისო პრინციპებზე დაყრდნობით გამოიყენებს განუყოფელ უფლებას საკუთარი უსაფრთხოების უზრუნველსაყოფად“, - განუცხადა ჟურნალისტებს ირანის საგარეო საქმეთა სამინისტროს წარმომადგენელმა ნასერ ქანაანიმ, იტყობინება ისლამური რევოლუციის გუშაგთა კორპუსთან დაკავშირებული სააგენტო Tasnim-ი. ასევე ნახეთ ირანი აგროვებს მოკავშირეებს ისრაელის წინააღმდეგ ზომების განსახილველად - "როიტერსი" ასევე ნახეთ Ynet: ისრაელი ირანზე პრევენციულ დარტყმას განიხილავს ასევე ნახეთ აშშ-მა და ბრიტანეთმა მოუწოდეს თავიანთ თანამოქალაქეებს, დატოვონ ლიბანი, სანამ საავიაციო რეისები კიდევ სრულდება ...