„ამერიკა ხომ არ არის შენი პატარა ბავშვი, რომელსაც აბურთავებ, ის არის ერთ-ერთი ყველაზე ძლიერი სახელმწიფო მსოფლიოში, შენ ასე ექცევი და გგონია იმას რეაგირებაც არ ექნება?! ვწუხვარ, როგორც საქართველოს პრეზიდენტი. ამას ვეტყვი სენატორ შაჰინს, რომელიც რამდენიმე დღეში ჩამოდის: ორი რამე არ მესმის და დანარჩენი ყველაფერი სწორია, უნდა მივიღოთ, უნდა გავიგოთ და გამოვასწოროთ სასწრაფოდ, რაც შეგვიძლია ჩვენ, საზოგადოებას - მე არ მესმის ჩვენი ჯარისთვის ბიუჯეტის შეზღუდვა და მე არ მესმის, თუ ეს მართალია, ლუგარის ლაბორატორიისთვის დაფინანსების შეზღუდვა“, - თქვა საქართველოს პრეზიდენტმა. მანვე აღნიშნა, რომ ქვეყნის ერთ-ერთი მთავარი საყრდენი ჯარია, რომლის შექმნაშიც აშშ-ის დიდი წვლილი აქვს შეტანილი. „ბევრი მიმართულებაა, სადაც შეიძლება, მთავრობა დაისაჯოს და უნდა დაისაჯოს, მაგრამ, არ შეიძლება ქართული ჯარი, რომელზეც ჩვენი სახელმწიფო და თავდაცვა დგას, დაისაჯოს, მით უმეტეს, რომ ის მთლიანად შექმნილია ამერიკის მიერ. ეს არ მესმის და უთუოდ გავარკვევ“, - განაცხადა სალომე ზურაბიშვილმა. три საერთაშორისო პარტნიორების მოწოდების მიუხედავად, საქართველოს პარლამენტმა 28 მაისს დაძლია პრეზიდენტის ვეტო „აგენტების კანონზე“. ეს კანონი უცხოური გავლენის ინტერესების გამტარებლად აცხადებს ყველა არასამთავრობო და მედიაორგანიზაციას, რომლებიც ქვეყნის სტრატეგიული პარტნიორებისგან იღებენ დაფინანსებას. კანონის მიღების შემდეგ, საქართველოს დახმარების ნაწილი უკვე შეუწყვიტა ევროკავშირმა, აშშ-მა კი განუსაზღვრელი ვადით გადადო სამხედრო სწავლება. ასევე ნახეთ აშშ საქართველოს მთავრობას უჩერებს 95 მილიონ დოლარზე მეტის დახმარებას ასევე ნახეთ „იქნება სხვა ნაბიჯებიც“ - ევროკავშირმა საქართველოს 30 მილიონი ევროს დახმარება შეუჩერა ასევე ნახეთ აშშ-მა საქართველოსთან სამხედრო წვრთნები განუსაზღვრელი ვადით გადადო ასევე ნახეთ დანიამ საქართველოს სამხედრო დახმარების ოთხწლიანი პროგრამა შეუჩერა - თეონა აქუბარდია 1 აგვისტოს ამერიკის შეერთებული შტატების ელჩმა რობინ დანიგანმა ჟურნალისტებს უთხრა, რომ რომ მიუხედავად საქართველოს მთავრობისთვის ფინანსური დახმარების შეჩერებისა, შტატები კვლავ აგრძელებს ქართველი სტუდენტების, მასწავლებლების, ფერმერების, მცირე ბიზნესის მფლობელების, სამოქალაქო აქტივისტების, სამოქალაქო საზოგადოების ორგანიზაციების დახმარებას. ასევე ნახეთ საქართველოს თავდაცვის ძალების მიმართ ჩვენი დახმარება გაგრძელდება - აშშ-ის ელჩი ...