რუსეთის პრეზიდენტმა ვლადიმირ პუტინმა პირველი კომენტარი გააკეთა კურსკის ოლქის საზღვრისპირა რაიონებში მიმდინარე საბრძოლო მოქმედებებზე, რომლებიც გუშინ დაიწყო. კომენტარი მან გააკეთა რუსეთის მთავრობასთან თათბირზე, რომლის შემდეგაც ძალოვანი სტრუქტურების ხელმძღვანელებთან შეხვედრას აპირებს. „როგორც ცნობილია, კიევის რეჟიმმა მორიგი მასშტაბური პროვოკაცია განახორციელა. სხვადასხვა სახის იარაღს, მათ შორის რაკეტებს, განურჩევლად ესვრიან სამოქალაქო შენობებს, საცხოვრებელ სახლებს, სასწრაფო დახმარების მანქანებს“, - ირწმუნება პუტინი. უკრაინას კომენტარი არ გაუკეთებია კურსკის ოლქში მიმდინარე მოვლენებზე. ასევე ნახეთ ურთიერთგამომრიცხავი ცნობები ვრცელდება რუსეთის კურსკის ოლქში სახმელეთო ბრძოლის შესახებ როგორც BBC იტყობინება, უკრაინის შეიარაღებული ძალების გენერალურმა შტაბმა მაუწყებლის შეკითხვაზე, თუ რა ხდება კურსკის ოლქში, სუჯის რეგიონში, განაცხადა: „ამის თაობაზე ჯერჯერობით არ გვაქვს ინფორმაცია“. три ...