ლიპეცკზე დრონით შეტევის შემდეგ იწვის სამხედრო აეროდრომი, ამის შესახებ ინფორმაციას რუსეთის საგანგებო სიტუაციების სამინისტროს რეგიონული სამმართველო ავრცელებს. ტელეგრამის არხ Astra-ს თანახმად, დრონით თავდასხმის შედეგად აალდა საბრძოლო მასალების საწყობი. აეროდრომის არეალში ხანძარი დააფიქსირეს NASA FIRMS-ის სატელიტებმაც. ამ მონაცემებიდან გამომდინარეობს, რომ ლიპეცკის საავიაციო ცენტრი, რომელიც რუსეთის საჰაერო კოსმოსური ძალების სტრუქტურული ნაწილია, უკრაინულის მხრიდან თავდასხმის სამიზნე გახდა. იქ არის საფრენოსნო და საინჟინრო პერსონალის გადასამზადებელი პუნქტი. NASA FIRMS სისტემის ხანძრების რუკა - ხანძარი ლიპეცკის საავიაციო ცენტრთან რუსული წყაროები ირწმუნებიან, რომ მოხერხდა აეროდრომზე მყოფი ყველა თვითმფრინავის გადარჩენა. თვითმხილველების მიერ გადაღებულ ვიდეოკადრებში ჩანდა განმეორებითი აფეთქებები და ისმოდა დეტონაციის ხმები, რაც შესაძლოა საბრძოლო მასალების საწყობზე თავდასხმის შედეგი ყოფილიყო. ასევე ნახეთ რუსეთის ლიპეცკის ოლქში აფეთქებები იყო, დაწყებულია ევაკუაცია უკრაინელები მანამდეც ეცადნენ ამ ავიაბაზაზე იერიშის მიტანას. გასული წლის 17 დეკემბერს აეროდრომის ტერიტორიაზე ჩამოცვივდა თითქოს ჩამოგდებული დრონის ნაწილები. 2021 წლის დეკემბერში რუსეთის თავდაცვის სამინისტრომ განაცხადა, რომ ლიპეცკის აეროდრომს გადაეცა ავიაგამანადგურებლების, Су-34-ის, ახალი პარტია. რეგიონის გუბერნატორ იგორ არტამონოვს დილით თავის საინფორმაციო გზავნილში აეროდრომზე გაჩენილი ხანძარი არ უხსენებია. მან მხოლოდ ის თქვა, რომ ლიპეცკი დრონების მასირებული თავდასხმის სამიზნე გახდა. მისი სიტყვებით, დასახლებიდან მოშორებით ფეთქებადსაშიში ობიექტების დეტონაცია მოხდა. აფეთქების შედეგების აღმოსაფხვრელად ლიპეცკის მუნიციპალურ ოლქში გამოცხადდა საგანგებო მდგომარეობა, შეჩერდა საზოგადოებრივი ტრანსპორტის მოძრაობა და გაუქმდა გასართობი ღონისძიებები. ოთხი დასახლებული პუნქტიდან მიმდინარეობს ევაკუაცია. არტამონოვმა ასევე განაცხადა, რომ დარტყმების შედეგად ლიპეცკში დაზიანდა ელექტროინფრასტრუქტურის ობიექტი. თავდასხმის შედეგად დაშავდა, სულ მცირე, ცხრა ადამიანი. ისინი საავადმყოფოში გადაიყვანეს. დილით რუსეთის თავდაცვის სამინისტრომ განაცხადა, რომ საჰაერო თავდაცვის საშუალებებით გაანადგურეს 75 უკრაინული უპილოტო საფრენი აპარატი, მათ შორის 26 ბელგოროდის ოლქში, 19 - ლიპეცკის ოლქში, შვიდი - კურსკში, ხუთი - ბრიანსკში, ოთხი - ვორონეჟში, ერთი - ორიოლის ოლქში, ხუთი - ყირიმის თავზე და რვა - შავი ზღვის აკვატორიაში. უკრაინაში რუსეთის სრულმასშტაბიანი შეჭრის დაწყების შემდეგ, რუსეთის რეგიონები დროდადრო იბომბება. რუსეთის თავდაცვის სამინისტრო ავრცელებს ხოლმე ცნობებს ჩამოგდებული უკრაინული რაკეტებისა და უპილოტო საფრენი აპარატების...