ორბელიანების სასახლეში საქართველოს პრეზიდენტი სალომე ზურაბიშვილი საქართველოში ოფიციალური ვიზიტით მყოფ სენატორ ჯინ შაჰინსა და კონგრესმენ მაიკ ტერნერს შეხვდა. პრეზიდენტი სოციალურ ქსელ X-ში წერს, რომ განიხილეს ორმხრივი ურთიერთობები, საქართველოს ევროატლანტიკური ინტეგრაცია, მოახლოებული არჩევნები, რუსული ოკუპაცია, ჰიბრიდული ომი და შავი ზღვის უსაფრთხოება. „მათი ვიზიტი საქართველოსადმი ამერიკის შეერთებული შტატების მტკიცე მხარდაჭერის კიდევ ერთი დასტურია“, - აღნიშნავს პრეზიდენტი. три განახლება მოგვიანებით, პრეზიდენტის ადმინისტრაციამ შეხვედრის შესახებ გამოქვეყნებულ ცნობაში აღნიშნა, რომ „სენატორმა შაჰინმა და კონგრესმენმა ტერნერმა მწვავე შეფასება მისცეს მმართველი ძალის მიერ გადადგმულ ნაბიჯებს, როგორიც „რუსული კანონია“, რომელიც აზიანებს ქართულ დემოკრატიას, საქართველოს ევროპულ გზას და ორმხრივ ურთიერთობებს. მხარეებმა ხაზი გაუსვეს დამაზიანებელ ანტიდასავლურ რიტორიკას“. პრეზიდენტის ვებსაიტის თანახმად, საუბარი ასევე შეეხო ოქტომბერში დაგეგმილ არჩევნებს. სალომე ზურაბიშვილმა აღნიშნა, რომ ამ არჩევნებს საქართველოს ევროპული გზისა და დემოკრატიული მომავლისათვის რეფერენდუმის მნიშვნელობა აქვს. პრეზიდენტმა ხაზგასმით აღნიშნა ამომრჩევლის მობილიზების მნიშვნელობა და შეხვედრის მონაწილეებს გააცნო „ქართული ქარტია“, როგორც სამოქმედო გეგმა ევროპული რეკომენდაციების მოკლე ვადაში შესასრულებლად და ევროკავშირთან გაწევრიანების მოლაპარაკებების გახსნისათვის მნიშვნელოვანი ინსტრუმენტი. ზურაბიშვილის განცხადებით, ძალიან მნიშვნელოვანია, ქართველმა ხალხმა იგრძნოს აშშ-ის მხარდაჭერა. ამასთან, მხარეებმა ისაუბრეს „მეგობარი აქტის“ მნიშვნელობაზე, ორმხრივი ურთიერთობების გაღრმავებისა და გაძლიერებისათვის. ადმინისტრაციის ინფორმაციით, შეხვედრისას განიხილეს ოკუპირებულ ტერიტორიებზე არსებული ვითარება, ოჩამჩირის პორტის საკითხი. სენატორმა შაჰინმა და კონგრესმენმა ტერნერმა განაცხადეს, რომ აპირებენ საოკუპაციო ხაზთან ჩასვლას. ზურაბიშვილთან შეხვედრას გამოეხმაურა სენატორი შაჰინი. „სასიამოვნოა, რომ ჩემი ვიზიტი საქართველოში პრეზიდენტ ზურაბიშვილთან შეხვედრით დავიწყე. მადლობელი ვარ ევროატლანტიკური მომავლისადმი მისი მტკიცე ერთგულებისთვის - ესაა ამბიცია, რომელსაც იზიარებს ქართველი ხალხის უმრავლესობა“, - დაწერა ჯინ შაჰინმა სოციალურ ქსელ X-ში. три საქართველოს მთავრობის ადმინისტრაციაში რადიო თავისუფლებას უთხრეს, რომ სენატორი და კონგრესმენი პრემიერ-მინისტრ ირაკლი კობახიძეს ხვალ, 10 აგვისტოს შეხვდებიან. აშშ-ის საელჩოს ცნობით, ვიზიტის ფარგლებში შეხვედრები ასევე დაგეგმილია სამოქალაქო საზოგადოების, კერძო სექტორისა და პოლიტიკური პარტიების წარმომადგენლებთან. გარდა ამისა, შაჰინი და ტერნერი გაეცნობიან აშშ-ის მთავრობის პროგრამებს, რომლებიც მხარს ...